विविध प्रलंबित मागण्यांसाठी हेल्थ एम्प्लॉइज फेडरेशनने सोमवारी अमरावती जिल्हा परिषदेच्या मुख्य प्रवेशद्वारासमोर लाक्षणिक धरणे आंदोलन केले. फेडरेशनचे जिल्हाध्यक्ष देवेंद्र शिंदे यांच्या नेतृत्वात झालेल्या या आंदोलनात महिला कर्मचाऱ्यांचा लक्षणीय सहभाग ह
.
आंदोलनाच्या समारोपावेळी जिल्हा आरोग्य अधिकारी डॉ. सुरेश आसोले यांना निवेदन सादर करण्यात आले. स्थानिक पातळीवरील मागण्यांबाबत वरिष्ठांच्या निर्देशानुसार लवकरच सकारात्मक निर्णय घेण्यात येईल, असे आश्वासन यावेळी देण्यात आले. मेळघाटातून बदली झालेल्या कर्मचाऱ्यांना तातडीने कार्यमुक्त करणे, पदोन्नती प्रक्रियेपूर्वी समुपदेशन करणे, वेतन दरमहा १ ते ५ तारखेदरम्यान अदा करणे, कर्मचाऱ्यांची सर्व प्रकरणे वेळेत निकाली काढणे, रखडलेली देयके त्वरित अदा करणे आणि निवृत्त कर्मचाऱ्यांचे लाभ देणे या प्रमुख मागण्या आंदोलकांनी मांडल्या.
या आंदोलनात देवेंद्र शिंदे यांच्यासह विनोद डोंगरे, रजनीकांत श्रीवास्तव, सुभाष चव्हाण, भगवान राऊत, भाग्यश्री कुर्मवंशी, गोकुल बांबल, महेंद्र रामटेके, साहेबराव वानखडे, गोपाल ठोसर आणि कैलास मोहोड आदी सहभागी झाले होते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
