देशाच्या आर्थिक राजधानीतील प्रमुख आंतरराष्ट्रीय विमानतळांपैकी एक असलेल्या मुंबई विमानतळावर पुन्हा एकदा मोठी तस्करी उघडकीस आली आहे. महसूल गुप्तवार्ता संचालनालयाने कारवाई करत तब्बल 2 किलो 178 ग्रॅम कोकेन जप्त केले आहे. आंतरराष्ट्रीय बाजारपेठेत या जप्त
.
खजुरातून तस्करीचा प्रयत्न
तस्करांनी कोकेनची तस्करी करण्यासाठी एक नवी शक्कल लढवल्याचे समोर आले आहे. त्यांनी खजुराच्या पॅकेटमधून खजूर बाहेर काढून त्यातील बिया काढून टाकल्या आणि त्यांच्या जागी कोकेन भरून तस्करी करण्याचा प्रयत्न केला होता. मात्र, मुंबई आंतरराष्ट्रीय विमानतळावरील सुरक्षा रक्षकांनी हा डाव उधळून लावला.
दोन आरोपींना अटक
डीआरआयने केलेल्या या कारवाईत सिएरा लिओनवरून आलेल्या एका प्रवाशासह, कोकेनची डिलिव्हरी घेण्यासाठी आलेल्या दुसऱ्या एका व्यक्तीलाही अटक करण्यात आली आहे. जप्त केलेली पावडर कोकेन असल्याचे निष्पन्न झाल्यानंतर आरोपींवर एनडीपीएस कायद्यांतर्गत गुन्हा दाखल करण्यात आला आहे.
कोकेन कुठून आणले होते, ते भारतात कुठे पोहोचवले जाणार होते आणि या तस्करीचे भारताशी आणखी कुठे कनेक्शन आहे, याचा कसून तपास सध्या पोलीस करत आहेत. विमानतळ सुरक्षा यंत्रणा आणि पोलिसांचे हे मोठे यश मानले जात आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
