सिंबायोसिस आंतरराष्ट्रीय (अभिमत विद्यापीठ) आयोजित ‘साहित्य महोत्सव २०२५’ मध्ये खासदार डॉ. शशी थरूर यांनी ‘विविधता हीच आपली ताकद’ असल्याचे प्रतिपादन केले. ‘एक राष्ट्र, एक निवडणूक, एक पक्ष, एक भाषा’ ही संकल्पना देशाच्या विविधतेतील सामर्थ्याकडे दुर्लक्ष
.
सिंबायोसिस स्कूल फॉर लिबरल आर्ट्सतर्फे सिंबायोसिस ईशान्य भवन, विमान नगर येथे या महोत्सवाचे आयोजन करण्यात आले आहे. या वर्षीच्या महोत्सवाची संकल्पना ‘शाई, कल्पना आणि प्रेरणा’ अशी आहे. या कार्यक्रमास डॉ. थरूर प्रमुख पाहुणे म्हणून उपस्थित होते. सिंबायोसिसचे संस्थापक व अध्यक्ष डॉ. शां. ब. मुजुमदार कार्यक्रमाच्या अध्यक्षस्थानी होते.
यावेळी राजदूत पवन वर्मा, फिक्की फ्लोच्या अध्यक्षा अनिता अग्रवाल, सिंबायोसिस आंतरराष्ट्रीय विद्यापीठाच्या प्र-कुलपती डॉ. विद्या येरवडेकर, कुलगुरू डॉ. रामकृष्णन रमण आणि सिंबायोसिस स्कूल फॉर लिबरल आर्ट्सच्या संचालिका डॉ. श्वेता देशपांडे यांच्यासह अनेक मान्यवर उपस्थित होते. डॉ. थरूर यांनी आपल्या भाषणात, अंतिम सत्य आपल्यातच शोधले पाहिजे आणि स्वर्गाची संकल्पना मृत्यूनंतर नव्हे, तर सलोख्याच्या समाजात रुजलेली आहे, असे सांगितले.
डॉ. थरूर पुढे म्हणाले की, अल्गोरिथम आणि विश्लेषणाच्या युगात केवळ डेटावर विश्वास ठेवणे सोपे आहे, परंतु डेटाला कथानकाची आणि तथ्यांना संदर्भाची गरज असते. सत्य सांगण्यासाठी शिक्षण, इंग्रजी व मातृभाषा, ग्रंथालये, भाषांतरे आणि साहित्य महोत्सवांमध्ये गुंतवणूक करणे आवश्यक आहे. मुलांना केवळ कोडिंगच नव्हे, तर सर्जनशीलताही शिकवावी. कथाकथन ही चैनीची गोष्ट नसून ती आवश्यक आहे. साहित्य जागतिक कल्पनांना प्रोत्साहन देते आणि मानवी अनुभवाला आकार देणाऱ्या विविध कथांना आत्मसात करण्यास मदत करते.
या कार्यक्रमादरम्यान, डॉ. विद्या येरवडेकर लिखित ‘२०० मोटिवेशनल मंडेज’ या पुस्तकाचे प्रकाशन डॉ. थरूर यांच्या हस्ते करण्यात आले. या पुस्तकात डॉ. येरवडेकर यांनी दर सोमवारी लिहिलेले २०० ब्लॉग समाविष्ट आहेत. नवीन सुरुवात, लवचिकता आणि रोजच्या जीवनासाठी उपयुक्त उत्साहवर्धक विचार या पुस्तकात मांडले आहेत. प्रेरणा केवळ मोठ्या कृतींमधूनच नव्हे, तर धैर्य, चिकाटी आणि सहानुभूतीमधूनही मिळते, असे या पुस्तकात नमूद केले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
