पुण्यातील वाढत्या गुन्हेगारीच्या पार्श्वभूमीवर सुरू असलेल्या राजकीय वादळात शिवसेना शिंदे गटाचे नेते आणि कसबा पेठचे आमदार रवींद्र धंगेकर पुन्हा एकदा आक्रमक झाले आहेत. नुकतेच मुख्यमंत्री एकनाथ शिंदे यांनी महायुतीत दंगा नको अशी समज दिल्यानंतरही धंगेकर य
.
रवींद्र धंगेकर यांनी एका वृत्त वाहिनीशी बोलताना स्पष्ट शब्दांत सांगितले की, मी पुणेकरांसाठी बोलतोय. इथे गुन्हेगारी वाढतेय, पोर्शे प्रकरणासारख्या घटना वारंवार घडत आहेत. लेकीबाळींना सुरक्षिततेचा प्रश्न निर्माण झाला आहे. या विषयावर बोलल्याने माझे राजकीय नुकसान होत असेल, तरी मला काही हरकत नाही. मी जनतेच्या बाजूने उभा आहे. त्यांनी भाजप नेत्यांवर थेट निशाणा साधत म्हटले की, ज्यांना मी प्रश्न विचारले, त्यांनी आधी आरशात पाहावे. गुन्हेगारीवर बोलणे म्हणजे कोणावर वैयक्तिक टीका नाही. मी पुणे भयमुक्त करण्याच्या भूमिकेवर ठाम असल्याचे त्यांनी म्हटले आहे.
धंगेकर यांनी पुढे सांगितले की, काल एकनाथ शिंदे साहेब जे बोलले, ती माझीच भाषा आहे. त्यांनीही म्हटले की, पुणे गुन्हेगारीमुक्त आणि भयमुक्त झाले पाहिजे. मी कोणावर वैयक्तिक टीका केलेली नाही, पण जे शहराचे नुकसान करत आहेत त्यांना प्रश्न विचारणे हा माझा अधिकार आहे. मी कालही बोलत होतो, आजही बोलतोय आणि उद्याही बोलेन. जेव्हा मी पब संस्कृतीविरोधात बोललो, तेव्हा ते लोक माझ्याविरोधात गेले. पोर्शे प्रकरणावर आवाज उठवला तेव्हाही विरोध झाला. पण मी मागे हटणार नाही. पुणेकरांच्या सुरक्षेसाठी गरज पडल्यास मी राजकीय किंमत मोजायला तयार आहे.
दरम्यान, मुख्यमंत्री एकनाथ शिंदे यांनी रविवारी माध्यमांशी बोलताना सांगितले होते की, रवींद्र धंगेकर यांच्याशी माझे बोलणे झाले आहे. त्यांना सांगितले की, महायुतीत दंगा नको. पण त्यांनी सांगितले की पुण्यात कायदा-सुव्यवस्था अबाधित राहिली पाहिजे. लेकीबाळींना निर्भयपणे फिरता आले पाहिजे, गोरगरीब जनतेला त्रास होता कामा नये. गुन्हेगार कुणीही असो, त्याला पाठीशी घातले जाणार नाही. गृह विभागाकडून गुंडागर्दी करणाऱ्यांवर कठोर कारवाई केली जाईल. शिंदे यांनी स्पष्ट केले की, गुन्हेगारीमुक्त पुणे व्हावे हेच धंगेकरांचे म्हणणे आहे आणि सरकारही त्याच भूमिकेवर ठाम आहे.
शिंदे गट आणि भाजपमध्ये नवा संघर्ष उभा राहण्याची शक्यता
पुण्यात अलीकडच्या काही महिन्यांत गुन्हेगारी प्रकरणांची संख्या वाढली आहे. पोर्शे अपघात प्रकरण, पब संस्कृती, खून आणि टोळीयुद्धाच्या घटनांमुळे नागरिकांमध्ये असुरक्षिततेची भावना वाढली आहे. या पार्श्वभूमीवर धंगेकर सतत आक्रमक भूमिकेत दिसत आहेत. दुसरीकडे भाजप नेते मात्र धंगेकरांवर महायुतीतील एकात्मतेला धक्का पोहोचवण्याचा आरोप करत आहेत. पण धंगेकर मात्र ठाम आहेत, महायुती राहो की जावो, पण पुणेकर भयमुक्त झाले पाहिजेत. त्यांच्या या ठाम भूमिकेमुळे पुण्याचे राजकारण आणखी तापले आहे, आणि आगामी महापालिका निवडणुकांपूर्वी शिंदे गट आणि भाजपमध्ये नवा संघर्ष उभा राहण्याची शक्यता वाढली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
