सेनगाव तालुक्यातील एका गावात संशयित क्षय रुग्णाचे थुंकीचे नमुने घेण्यासाठी गेलेल्या आशा सेविकेला मारहाण करून विनयभंग केल्याची घटना घडली आहे. या प्रकरणी नर्सी पोलिस ठाण्यात दोघांवर सोमवारी ता. 13 रात्री गुन्हा दाखल झाला आहे. या प्रकरणात मारहाण करणाऱ्य
.
पोलिसांनी दिलेल्या माहितीनुसार, सेनगाव तालुक्यातील एका गावामध्ये आशा कर्मचारी सोमवारी ता. 13 सकाळी 11 वाजण्याच्या सुमारास संशयित क्षय रुग्णांचे थुंकीचे नमुने घेण्यासाठी गेल्या होत्या. यावेळी आकाश धाबे व करण धाबे हे दोघे त्या गावात आले. त्यांनी आशा कर्मचाऱ्याला शिवीगाळ करण्यास सुरवात केली. तुम्हाला संशयित क्षयरुग्णाची विचारपूस करण्याचा काय अधिकार आहे असे म्हणत शिवीगाळ केली.
दरम्यान, वाद वाढू नये यामुळे आशा कर्मचारी घरी जाण्यासाठी निघाल्या असतांना दोघांनी त्यांचा पाठलाग करून त्यांच्या पर्समधील मोबाईल हिसकावून घेतला तसेच तीन हजार रुपये जबरीने काढून घेतले यावेळी त्यांना मारहाण देखील करण्यात आली.या मारहाणीत त्या जखमी झाल्या. त्यानंतरही त्यांचा रस्ता अडवून पोलिस ठाण्यात तक्रार दिल्यास जिवे मारण्याची धमकी दिली. तसेच त्यांचा विनयभंग केला.
या प्रकरणी आशा कर्मचारी यांनी रात्री नर्सी पोलिस ठाणे गाठून तक्रार दाखल केली. यावरून पोलिसांनी आकाश धाबे व करण धाबे यांच्या विरुध्द गुन्हा दाखल केला आहे. सहाय्यक पोलिस निरीक्षक अशोक घारगे, उपनिरीक्षक जाधव, जमादार खंडेराव नरोटे यांचे पथक पुढील तपास करीत आहे. पोलिसांच्या पथकाने दोघांचाही शोध सुरु केला आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
