दिवाळीतील लक्ष्मीपूजनाच्या तिथी बाबत दरवर्षीप्रमाणे याही वर्षी संभ्रम निर्माण झाला आहे. अनेक पंचांगकर्त्यांमध्ये मतभेद असल्याने ही परिस्थिती उद्भवली आहे. मात्र, या गोंधळाला बळी न पडता संपूर्ण महाराष्ट्रात अमावस्या तिथीला येणाऱ्या प्रदोषकाळात, म्हणजेच
.
या संदर्भात बोलताना गौरव देशपांडे यांनी स्पष्ट केले की, अमावस्या तिथीला साजरे केले जाणारे लक्ष्मीपूजन प्रदोषकाळी (सूर्यास्तानंतर साधारण अडीच तासांचा कालावधी) करावे. ज्या दिवशी प्रदोषकाळात अमावस्या तिथी मिळते, त्याच दिवशी लक्ष्मीपूजन करणे शास्त्रसंमत आहे. दोन्ही दिवशी प्रदोषकाळात अमावस्या मिळत असल्यास दुसऱ्या दिवशी पूजन करावे. तसेच, दोन्ही दिवशी प्रदोषकाळात किमान एक घटिका (२४ मिनिटे) अमावस्या मिळत असेल, तरीही दुसऱ्या दिवशी लक्ष्मीपूजन करावे, असे शास्त्रात नमूद आहे. त्यानुसार, महाराष्ट्रातील सर्व ३६ जिल्ह्यांमध्ये २० ऑक्टोबर २०२५ रोजी प्रदोषकाळात संपूर्ण अमावस्या मिळत असल्याने, या दिवशी लक्ष्मीपूजन करणे शास्त्रसंमत ठरेल.भारतातील इतर प्रांतांचा विचार केल्यास, अरुणाचल प्रदेश, मिझोराम, मणिपूर, नागालँड, पश्चिम बंगाल, बिहार, ओडिशा, आसाम, त्रिपुरा आणि झारखंड या राज्यांमध्ये २१ ऑक्टोबर २०२५ रोजी लक्ष्मीपूजन साजरे करणे योग्य ठरेल.
याउलट, गुजरात, राजस्थान, केरळ, कर्नाटक, तामिळनाडू, मध्यप्रदेश, आंध्रप्रदेश आणि तेलंगणा या राज्यांमध्ये २० ऑक्टोबर २०२५ रोजी प्रदोषकाळात संपूर्ण अमावस्या मिळत असल्याने, येथेही २० ऑक्टोबर रोजीच लक्ष्मीपूजन करावे.जागतिक स्तरावर, मध्य आणि पूर्व युरोपमधील दुबई, अबूधाबी, रियाध, जेद्दा, कुवेत, मस्कत, लंडन, पॅरिस, कैरो, नैरोबी, रोम, इटली, दोहा आणि बर्लिन या ठिकाणी २० ऑक्टोबर रोजी लक्ष्मीपूजन साजरे करावे, असे देशपांडे यांनी सांगितले. तसेच, संपूर्ण अमेरिका आणि कॅनडामध्ये, ज्यात वॉशिंग्टन डी. सी., शिकागो, न्यूयॉर्क, मेक्सिको सिटी, लॉस एंजेलिस, डॅलस, ह्युस्टन, फिलाडेल्फिया आणि बोस्टन यांचा समावेश आहे, तेथेही २० ऑक्टोबर रोजीच लक्ष्मीपूजन करावे.
आशिया, ऑस्ट्रेलिया आणि न्यूझीलंडचा विचार केल्यास, बँकॉक, सिंगापूर, टोकियो, थायलंड, सिडनी, हाँगकाँग, क्वालालंपूर, सोल, शांघाय आणि मेलबर्न या सर्व ठिकाणी २१ ऑक्टोबर रोजी लक्ष्मीपूजन करावे, असे देशपांडे यांनी नमूद केले. त्यांनी असेही सांगितले की, ज्या गावात तुम्ही राहता, त्या गावात सूर्यास्तानंतर पुढील अडीच तासांत म्हणजेच प्रदोषकाळात लक्ष्मीपूजन साजरे करावे. यावेळी राहुकाळ किंवा इतर कोणत्याही गोष्टी पाहण्याची गरज नाही.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
