15 ऑक्टोबर 2025, बुधवार रोजी सायंकाळी पाच वाजता कै. नारायणराव उजळंबकर सार्वजनिक वाचनालय येथे डॉ. ए.पी.जे. अब्दुल कलाम यांची जयंती उत्साहात साजरी करण्यात आली. या कार्यक्रमाला प्रमुख पाहुणे म्हणून प्रसिद्ध विचारवंत डॉ. वि.ल. धारूरकर उपस्थित होते, तर का
.
कार्यक्रमाच्या सुरुवातीला उपस्थित सर्व मान्यवर आणि सदस्यांनी डॉ. कलाम यांच्या प्रतिमेस पुष्प अर्पण करून अभिवादन केले. त्यानंतर प्रमुख पाहुणे डॉ. वि.ल. धारूरकर यांनी डॉ. कलाम यांच्या प्रेरणादायी जीवनकार्याचा आणि त्यांच्या विज्ञाननिष्ठ दृष्टिकोनाचा उपस्थितांना सखोल परिचय करून दिला. धारूरकर यांनी कलामांचे विचार आजही तरुणांसाठी कसे महत्त्वाचे आहेत, यावर मार्गदर्शन केले.
अध्यक्षीय समारोपानंतर वाचनालयाचे पदाधिकारी उदय सुरंगलीकर यांनी उपस्थित सर्व ज्येष्ठ नागरिक आणि सदस्यांचे आभार मानले. हा कार्यक्रम यशस्वी करण्यासाठी वाचनालयाच्या सदस्यांनी विशेष परिश्रम घेतले. या कार्यक्रमाला ज्येष्ठ नागरिकांची मोठी उपस्थिती लक्षणीय होती.
भारताचे मिसाईल मॅन
भारताचे 19 वे राष्ट्रपती (2002 ते 2007) असलेले डॉ. अबुल पाकीर जैनुलब्दीन अब्दुल कलाम हे एक महान शास्त्रज्ञ आणि ‘भारताचे मिसाईल मॅन’ म्हणून ओळखले जातात. तामिळनाडूतील रामेश्वरम येथे 15 ऑक्टोबर 1931 रोजी जन्मलेल्या कलाम यांनी संरक्षण संशोधन आणि विकास संस्था आणि भारतीय अंतराळ संशोधन संस्था (ISRO) मध्ये महत्त्वपूर्ण भूमिका बजावली. त्यांनी भारताच्या क्षेपणास्त्र विकास कार्यक्रमात अग्रगण्य काम केले, ज्यामुळे अग्नी आणि पृथ्वी यांसारखी क्षेपणास्त्रे विकसित झाली. ‘पीपल्स प्रेसिडेंट’ म्हणून प्रसिद्ध असलेल्या डॉ. कलाम यांनी ‘विंग्ज ऑफ फायर’ या आत्मचरित्रासह अनेक प्रेरणादायी पुस्तके लिहिली. तसेच, तरुणांना आणि विद्यार्थ्यांना नेहमीच 2020 पर्यंत विकसित भारताचे स्वप्न पाहण्याची प्रेरणा दिली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
