लाचलुचपत प्रतिबंधक विभाग, भंडारा पथकाने सन २०२५ मधील आपली आठवी यशस्वी कारवाई गुरुवारी (दि. १६ ऑक्टोबर २०२५) पार पाडली. मुख्यमंत्री रोजगार निर्मिती योजनेतील लाभार्थीला सबसिडीचे कागदपत्रे अपलोड करण्यासाठी १५,००० ची लाच स्वीकारताना महाराष्ट्र राज्य खादी
.
नेमके काय घडले?
या कारवाईतील आरोपी रत्नघोष ऋषींजी हुमणे (वय ४२), कनिष्ठ सहाय्यक, महाराष्ट्र राज्य खादी व ग्रामोद्योग मंडळ, भंडारा येथे कार्यरत होता. तक्रारदार (वय ३६) यांच्या पत्नी मुख्यमंत्री रोजगार निर्मिती योजनेच्या लाभार्थी असून, त्यांना घर बांधकामासाठी काँक्रीट मिक्सर मशीन मंजूर झाले आहे. या योजनेतून त्यांना मंजूर झालेल्या १९,५०,००० रुपये कर्जापैकी ३५ टक्के (७,००,०००) सबसिडी मिळवून देण्यासाठी आवश्यक कागदपत्रे कार्यालयाच्या माध्यमातून व्यवस्थित अपलोड करून देण्याच्या मोबदल्यात आरोपी हुमणे याने तक्रारदाराकडे लाचेची मागणी केली होती. लाच देण्याची इच्छा नसल्याने तक्रारदारांनी १५ ऑक्टोबर २०२५ रोजी ला.प्र.वि., भंडारा येथे तक्रार दिली.
सापळा आणि कारवाई
लाचलुचपत प्रतिबंधक विभागाने १५ ऑक्टोबर २०२५ रोजी पंचांसमक्ष पडताळणी केली असता, आरोपी हुमणे यांनी तक्रारदाराकडे ३०,००० रुपयांच्या लाचेची मागणी केली आणि त्याचा पहिला हप्ता म्हणून १५,००० स्वीकारण्याची सहमती दर्शवली.
त्यानुसार, आज, १६ ऑक्टोबर २०२५ रोजी आरोपीच्या कार्यालयात लावलेल्या सापळ्यात, रत्नघोष हुमणे यांनी तक्रारदाराचे काम करून देण्याच्या मोबदल्यात बक्षीस म्हणून १५,००० रुपयांची लाच रक्कम स्वतःसाठी स्वीकारली. लाच स्वीकारताच लाचलुचपत प्रतिबंधकच्या पथकाने त्यांना तात्काळ ताब्यात घेतले. त्यांच्याकडून लाचेची रक्कम आणि एक मोबाईल जप्त करण्यात आला आहे.
आरोपीच्या घरझडतीची प्रक्रिया सुरू आहे. आरोपीविरुद्ध भंडारा शहर पोलीस ठाणे येथे भ्रष्टाचार प्रतिबंध अधिनियम कलम ७ अन्वये गुन्हा दाखल करण्याची प्रक्रिया सुरू असून, गुन्हा दाखल झाल्यानंतर त्यांना अटक करण्याची पुढील कार्यवाही केली जाईल.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
