मुंबई4 तासांपूर्वी
- कॉपी लिंक
प्रसिद्ध चित्रपट निर्माते आणि दिग्दर्शक महेश मांजरेकर यांनी महाराष्ट्राच्या राजकारणातला एक मोठा गौप्यस्फोट केला आहे. शिवसेना प्रमुख दिवंगत बाळासाहेब ठाकरे यांनी आपल्याला 2009 साली थेट निवडणुकीची ऑफर दिली होती, असा खुलासा मांजरेकर यांनी केला आहे. पण राज ठाकरेंसोबत असलेल्या मैत्रीखातर मी ती ऑफर स्वीकारली नाही, असेही त्यांनी सांगितले.
महेश मांजरेकर यांनी नुकतीच झी 24 वृत्तवाहिनीला एक मुलाखत दिली. या मुलाखतीत त्यांनी अनेक विषयांवर भाष्य केले. याचवेळी त्यांना राज ठाकरे आणि उद्धव ठाकरे यांच्या एकत्र येण्याबद्दल प्रश्न विचारला असता, त्यांनी उपरोक्त मोठा गौप्यस्फोट केला. मांजरेकर म्हणाले, बाळासाहेब ठाकरेंना मी फार आवडायचो. बाळासाहेबांनी मी शिवाजीरोजे भोसले बोलतोय चित्रपट कमीत कमी 70 वेळा पाहिला असेल. मी त्यांच्याकडे कधीही गेलो, तर ते डीव्हीडी प्लेयरमधील डीव्हीडी दाखवायचे.
बाळासाहेबांनी दिली शिवसेनेत येण्याची ऑफर
ते पुढे म्हणाले, बाळासाहेब ठाकरे यांनी मला एकदा घरी बोलावले. मी रात्री गेलो. त्यांनी मला बसवले आणि म्हणाले तू मला शिवसेनेत हवा आहेस. विक्रोळीत त्यांची सभा होती, त्यावेळी तू मला हवास. त्यांचे बोलणे ऐकून माझे पाय लटलट कापायला लागले. पण राज ठाकरेंशी मैत्री असल्याने आपण शिवसेनेच्या या ऑफरचा स्वीकार केला नाही. बाळासाहेबांकडून ऑफर मिळाल्यानंतर राज ठाकरेंचा फोन आला, पण मातोश्रीसमोर लोक असल्याने मला तो कॉल घेता आला नाही. बाळासाहेबांना थेट नकार देणे शक्य नसल्यामुळे, मी त्यावेळी तीन दिवस माझा फोन बंद ठेवला होता, असेही त्यांनी सांगितले.
मांजरेकरांची विधान परिषदेत जाण्याची इच्छा
याच मुलाखतीत महेश मांजरेकर यांनी सक्रिय राजकारणात येण्याची इच्छा व्यक्त केली आहे. त्यांना आता विधिमंडळात जाण्याचे वेध लागले आहेत. कोणत्याही राजकीय पक्षाने ऑफर दिल्यास विधान परिषदेचे सदस्यत्व स्वीकारण्याची आपली तयारी असल्याचे त्यांनी स्पष्ट केले. एवढेच नव्हे, तर जर सरकारमध्ये सांस्कृतिक मंत्रीपद मिळाले, तर आपण त्या संधीचे नक्कीच सोने करू, असा विश्वासही त्यांनी व्यक्त केला. यासोबतच “कोणताही राजकीय पक्ष हे धाडस दाखवणार नाही,” अशी मिश्किल टिपणीही केली.
हे ही वाचा…
सूरज बडजात्याच्या पुढच्या प्रोजेक्टसाठी आयुष्मान-शर्वरीची जोडी:1 नोव्हेंबरपासून सुरू होणार शूटिंग; आयुष्मान म्हणाला- हा चित्रपट मोठ्या प्रेक्षकांसाठी असेल
आयुष्मान खुराना सध्या त्याच्या “थम्मा” चित्रपटाची तयारी करत आहे, जो या दिवाळीत, २१ ऑक्टोबर रोजी प्रदर्शित होत आहे. त्याच्या हॉरर कॉमेडी चित्रपटाच्या प्रदर्शनानंतर दहा दिवसांनी, आयुष्मान दिग्दर्शक सूरज बडजात्या यांच्या फॅमिली ड्रामाचे चित्रीकरण सुरू करेल. चित्रपटाचे नाव सध्या ठरलेले नाही. राजश्री प्रॉडक्शन आणि महावीर जैन फिल्म्स हे चित्रपट तयार करतील. सविस्तर वाचा…
रणबीर-आलियाचा 250 कोटींचा बंगला तयार:दिवाळीत जोडपे घरात प्रवेश करणार, गोपनीयतेचा आदर करण्याचे आवाहन
या दिवाळीला रणबीर कपूर आणि आलिया भट्ट मुंबईतील पाली हिल येथील त्यांच्या नवीन बंगल्यात राहायला जातील. खरंतर, सोशल मीडियावर एक चिठ्ठी समोर आली आहे, ज्यामध्ये असे म्हटले आहे की दोघांनीही त्यांच्या नवीन बंगल्यात प्रवेश करणार असल्याची अधिकृत घोषणा केली आहे. सविस्तर वाचा…
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
