आगामी स्थानिक स्वराज्य संस्थांच्या निवडणुकीच्या पार्श्वभूमीवर भाजपकडून अनेक ठिकाणी ऑपरेशन लोटस सुरू असल्याचे दिसून येत आहे. इतर पक्षातील अनेक कार्यकर्ते, पदाधिकारी, नेते हे भाजपमध्ये प्रवेश करत आहेत. त्यामुळे महायुतीमधील मित्रपक्ष अजित पवारांची राष्ट
.
सोलापूर जिल्ह्यात राष्ट्रवादी कॉंग्रेस अजित पवार गटाला मोठा धक्का बसणार असल्याची शक्यता वर्तवली जात आहे. पक्षाचे तीन आमदार भाजपच्या दिशेने असल्याची चर्चा सुरू आहे. सोलापूर हा राष्ट्रवादी कॉंग्रेसचा बालेकिल्ला समजला जातो, याच बालेकिल्ल्याला भाजप सुरंग लावण्याचा प्रयत्न करत असल्याचे दिसत आहे. त्यामुळे राष्ट्रवादी कॉंग्रेस पक्षाने सतर्क पावले उचलले असून मंत्री दत्तात्रय भरणे उद्या (मंगळवारी) सोलापूर येथे जाणार असून जिल्ह्याचा दौरा देखील करणार आहेत.
तीन माजी आमदार भाजपच्या वाटेवर
याबाबत मिळालेल्या अधिक माहितीनुसार, मंगळवारी सकाळी 11 वाजता माजी आमदार संजय शिंदे यांच्या माढा तालुक्यातील फार्महाऊसवर पक्षाच्या प्रमुख पदाधिकाऱ्यांची बैठक होणार आहे. दुपारी 3.30 वाजता सोलापूर शहरात राष्ट्रवादी नेत्यांची बैठक होणार आहे. स्थानिक संस्थांच्या निवडणुकीच्या तोंडावर तीन माजी आमदार राजन पाटील, यशवंत माने, बबनदादा शिंदे हे भाजपमध्ये जाणार असल्याची चर्चा आहे. या पार्श्वभूमीवर राष्ट्रवादीचे संपर्क मंत्री म्हणून दत्तात्रय भरणे सोलापूर जिल्ह्याचा आढावा घेणार आहेत.
सोलापूर जिल्ह्यात दिवाळीचे अजून फटाके फुटतील- मंत्री जयकुमार गोरे
सोलापूर जिल्ह्याचे पालकमंत्री जयकुमार गोरे हे सध्या जिल्ह्याच्या दौऱ्यावर असून ऑपरेशन लोटस सुरू असल्याचे दिसत आहे. पत्रकारांशी बोलताना गोरे यांनी सूचक विधान केले होते. ते म्हणाले, सोलापूर जिल्ह्यात दिवाळीचे अजून फटाके फुटतील. दरम्यान, राष्ट्रवादीचे माजी आमदार राजन पाटील, माढ्याचे माजी आमदार बबनराव शिंदे, मोहोळचे माजी आमदार यशवंत माने आणि सोलापूर दक्षिणचे काँग्रेसचे माजी आमदार दिलीप माने यांनी मुख्यमंत्री देवेंद्र फडणवीस यांची त्यांच्या ‘वर्षा’ या शासकीय निवासस्थानी भेट घेतली. त्यामुळे हे तीन आमदार भाजपमध्ये प्रवेश करणार असल्याची चर्चा सुरू आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
