ऑक्टाेबरपासून सुरू झालेल्या सोन्या-चांदीच्या घाेडदाैडीला ऐन दिवाळीत ब्रेक लागला. जळगाव सराफा बाजारात वसुबारसनंतरच्या सात दिवसांत साेने ८२३६ रुपये तर चांदी २३,६९० रुपयांनी घसरली. येत्या पंधरवड्यात अमेरिकेचे अध्यक्ष ट्रम्प आणि चीनचे अध्यक्ष शी जिनपिंग
.
धनत्रयोदशीपासून दर खालावले…
यंदाच्या दिवाळीत धनत्रयोदशीपासून सोने-चांदीत घसरण सुरू झाली. शुक्रवार, २४ ऑक्टोबरपर्यंतच्या सात दिवसांत साेने ८२३६ रुपयांनी घसरुन १,२६,९०० रुपये तोळा तर चांदी २३,६९० रुपयांनी घसरून १,५६,५६० रुपयांवर स्थिरावली. १ ऑक्टोबरला साेने १,२१,७४६ रुपये तोळा तर चांदीचे प्रतिकिलाेचे दर १,५३,४७० रुपये हाेते. वसुबारसला गेल्या शुक्रवारी (१७ ऑक्टोबर) साेने सर्वकालीन उच्चांकी १,३५,१३६ रुपयांवर पाेहोचले. ऑक्टोबरच्या १७ दिवसांत ते १३,३९० नी महागले, तर बुधवारी (१५ ऑक्टोबर) चांदीने साेन्याला मागे टाकून १,९०,५५० रुपये किलो दराचा विक्रमी टप्पा गाठला. अर्थात १५ दिवसांत चांदी ३७,०८० रुपयांनी महाग झाली होती.
तरीही गुंतवणूक करणे याेग्य
आंतरराष्ट्रीय साेने बाजाराचे अभ्यासक आदित्य नवलखा यांच्या मते, आंतरराष्ट्रीय घडामाेडींचे पडसाद म्हणून साेने-चांदीच्या दरात माेठी घसरण झाली आहे. आगामी लग्नसराईत हे दर पुन्हा वाढण्याचे संकेत आहेत. त्यामुळे आताही गुंतवणूक केल्यास ते फायद्याचेच राहील.
नफेखोरीमुळे दरात घसरण
पुढील १५ दिवसांत डाेनाल्ड ट्रम्प हे चीन दाैऱ्यावर जाणार आहेत. यात ते चीनचे राष्ट्राध्यक्ष शी जिनपिंग यांची भेट घेणार आहेत. या भेटीनंतर टेरिफ वाॅर संपुष्टात येण्याचे वृत्त आले आणि वायदा बाजारात नफा बुकिंग सुरू झाली. त्यामुळे माेठी घसरण हाेत असल्याचे जाणकारांचे म्हणणे आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
