संघावर बंदी घालावी; पीएमकडून पटेलांच्या वारशाचा अवमान- खरगे,: पंतप्रधान मोदींच्या विधानावर काँग्रेसचे प्रत्युत्तर

काँग्रेसचे राष्ट्रीय अध्यक्ष मल्लिकार्जुन खरगे यांनी राष्ट्रीय स्वयंसेवक संघावर (आरएसएस) बंदी घालण्याची मागणी केली आहे. शुक्रवारी सरदार वल्लभभाई पटेल यांच्या जयंतीनिमित्त खरगे म्हणाले की, देशातील बिघडलेल्या कायदा आणि सुव्यवस्थेसाठी भाजप आणि आरएसएस जबाबदार आहेत. “हे माझे वैयक्तिक विचार आहेत आणि मी उघडपणे म्हणतो की आरएसएसवर बंदी घातली पाहिजे.

जर पंतप्रधान नरेंद्र मोदी खरोखरच सरदार वल्लभभाई पटेल यांच्या विचारांचा आदर करत असतील तर त्यांनी हे पाऊल उचलले पाहिजे.” सरदार पटेल यांच्या पत्राचा संदर्भ देत खरगे म्हणाले की, सरदार पटेल यांनी श्यामाप्रसाद मुखर्जी आणि गोळवलकर यांना पत्र लिहून महात्मा गांधींच्या हत्येचा उत्सव साजरा केल्याबद्दल संघावर बंदी घालण्याची मागणी केली होती.

पटेल यांचे नाव वापरून काँग्रेस : ​​भाजप

खरगेंच्या विधानावर प्रतिक्रिया देताना भाजपचे प्रवक्ते शहजाद पूनावाला म्हणाले की, काँग्रेसच्या सर्वोत्तम प्रयत्नांनंतरही कोर्टानेही संघावर बंदी घातली नाही. सरदार पटेलांच्या मूल्यांकडे दुर्लक्ष करणारा पक्ष आता त्यांचे नाव आरएसएसविरुद्ध वापरत आहे.