
तालुक्यातील निजामपूर जैताणे येथील आदर्श विद्या मंदिराचे इयत्ता १० वी १९९९ या वर्षातील माजी विद्यार्थ्यांचा तब्बल २५ वर्षांनंतर स्नेहमेळावा पार पडला. अध्यक्षस्थानी शिक्षण समितीचे अध्यक्ष अजितचंद्र शाह हे होते.
.
याप्रसंगी कार्यक्रमाला दहावीच्या बॅचला शिकवणारे शाळेचे मुख्याध्यापक बी.आर. गावित, उपमुख्याध्यापक नितीन शाह, डी.जे. वाणी, के.ओ. लाडगे, शिवाजी पाटील, जयवंत कासार, पी.जे.शाह, व्ही.के. सोंजे, शिवाजी पाटील, मीनाक्षी ठाकरे, आर.एच. जाधव, कौस्तुभ चिंचोले, आर.एच. जाधव आदी उपस्थित होते. आपले वय, पद, प्रतिष्ठा, कामाचा व्याप बाजूला ठेवून पंचेचाळिशीकडे झुकलेले हे सर्व माजी विद्यार्थी अगदी उत्साहाने एकत्र जमले. त्यांच्या चेहऱ्यावर आनंद ओसंडून वाहत होता. अनेक वर्षांनंतर आपण एकत्र भेटत आहोत यामुळे ओळख लागते की नाही ही मनातील भावना ही होतीच; पण एकत्र आले आणि सर्वांनीच गळाभेट केली.
या स्नेहमेळाव्याप्रसंगी माजी विद्यार्थ्यांनी निजामपूर जैताणे येथील दिवंगत मित्रांच्या पाल्यांना आर्थिक मदतीचा निर्धार केला. त्याचबरोबर आपल्या सोबत शिकणाऱ्या गरजू सवंगड्यांना सानुग्रह स्वरूपात मदत ही केली. यापुढेही मित्रांना मदत देण्याचा संकल्प केला. सूत्रसंचालन देवेंद्र पवार, प्रास्ताविक अभिजीत पाटील यांनी मांडले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.



