शहरातील खासगी चार व सरकारी दोन अशा सहा रक्तपेढ्यांमध्ये चार दिवस पुरेल एवढाच रक्तसाठा शिल्लक असल्याची धक्कादायक बाब समोर आली आहे. राष्ट्रीय आरोग्य मिशनच्या ई-रक्तकोषवर मंगळवारी नोंदवलेल्या माहितीनुसार शहरात केवळ शासकीय वैद्यकीय महाविद्यालय संचालित सर
.
शहरात अकोला येथील शासकीय वैद्यकीय महाविद्यालय संचालित शासकीय रक्तपेढी, जिल्हा स्त्री रुग्णालयातील रक्त पेढी या दोन शासकीयसह साई जीवन, ठाकरे, हेडगेवार, अकोला ब्लड बँक या चार खासगी रक्तपेढ्या आहेत. त्यातील रक्तसाठाही आता जेमतेमच आहे. रस्ते अपघातासह, प्रसूतीवेळी, गंभीर शस्त्रक्रियांमध्ये रक्त कमी झाल्यास रुग्णाला रक्ताची गरज भासते. त्यामुळे जास्तीत जास्त नागरिकांनी रक्तदान करणे आवश्यक आहे.
रक्तदान शिबिरासाठी रक्तपेढीशी संपर्क करावा ^रक्तामधील पीआरसी व प्लाझ्मा, प्लेटलेट असे घटक रक्तसंकलनानंतर वेगळे केले जातात. परंतु, सध्या रक्ताचा मोठा तुटवडा आहे. कारण दिवाळीतील सुट्या व अतिवृष्टी यामुळे शिबिराचे कॅम्प झाले नाहीत. नियमित रक्तदाते दर तीन महिन्याला रक्तदान करतात. ज्यांना शक्य आहे, त्यांनी शिबिरे घ्यावीत. जर शिबिर घ्यायचे असेल तर रक्तपेढीशी संपर्क करावा .- वर्षा पाटणकर, संचालिका, साईजीवन ब्लड बँक.
सर्वच निगेटिव्ह रक्तगटांचा तुटवडा ^सद्यस्थितीत सिंगल डोनर प्लेटलेट, सिंगल डोनर प्लाझ्मा, आरबीसी एखादं दुसऱ्या ठिकाणी उपलब्ध आहे. व्होल ब्लड केवळ तीन ठिकाणी उपलब्ध असल्याचे नोंदीत दिसून आले. पीआरबीसी (पॅक्ड रेड ब्लड सेल) उपलब्ध आहे. ओ, एबी, ए, बी या निगेटिव्ह गटाच्या रक्ताचा सर्वत्र तुटवडा आहे. निगेटिव्ह गटाच्या रक्ताच्या उपलब्धतेचे प्रमाण अवघे ५ टक्के आहे. – डॉ. सुवर्णा पाटील , रक्त संक्रमण अधिकारी, शासकीय रक्तपेढी, जीएमसी.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
