पुण्यात एनडीए रस्त्यावरील दोन सराफी दुकानांवर दरोड्याचा प्रयत्न फसला आहे. सराफ व्यावसायिकांनी केलेल्या प्रतिकारामुळे चोरट्यांना रिकाम्या हाताने पळ काढावा लागला. या झटापटीत एका व्यावसायिकाला किरकोळ दुखापत झाली असून, उत्तमनगर पोलिस ठाण्यात याप्रकरणी दो
.
पहिला प्रयत्न उत्तमनगरमधील एनडीए रस्त्यावर धावडे पेट्रोल पंपासमोरील मोरया ज्वेलर्समध्ये झाला. तक्रारदार सराफ व्यावसायिक दुकानात असताना दुचाकीवरून तीन चोरटे आले. त्यांनी खरेदीचा बहाणा करत दुकानात प्रवेश केला आणि नंतर शस्त्राचा धाक दाखवून जीवे मारण्याची धमकी देत दागिने लुटण्याचा प्रयत्न केला.
मात्र, सराफ व्यावसायिकाने प्रसंगावधान राखत चोरट्यांना प्रतिकार केला. त्यांनी दुकानातील सेल्फी स्टिकने चोरट्यांवर हल्ला चढवला. या झटापटीत दुकानातील काऊंटरची काच फुटून व्यावसायिकाच्या हाताला दुखापत झाली. चोरट्यांनी शस्त्राने वार करण्याचा प्रयत्न केला, परंतु व्यावसायिकाच्या प्रतिकारामुळे ते घाबरले आणि पकडले जाण्याच्या भीतीने दुचाकीवरून पसार झाले.
या घटनेची माहिती मिळताच परिमंडळ तीनचे पोलिस उपायुक्त संभाजी कदम, सहायक आयुक्त अजय परमार आणि वरिष्ठ पोलिस निरीक्षक मोहन खंदारे यांनी घटनास्थळी भेट दिली. पोलिसांनी सीसीटीव्ही फुटेज तपासले असून, चोरटे दुचाकीवरून खडकवासला धरणाच्या दिशेने पळाल्याचे दिसून आले. त्यांनी दुचाकीची नंबर प्लेट काढून ठेवली होती. सहायक पोलिस निरीक्षक प्रियांका गायकवाड या प्रकरणाचा तपास करत आहेत.
दरम्यान, एनडीए-वारजे रस्त्यावरील शिवणे परिसरातही एका सराफी पेढीवर दरोड्याचा प्रयत्न झाला. या ठिकाणीही सराफ व्यावसायिकाने आरडाओरडा केल्यानंतर चोरटे दुचाकीवरून पसार झाले. या घटनेबाबतही उत्तमनगर पोलिस ठाण्यात स्वतंत्र गुन्हा दाखल करण्यात आला आहे. पसार झालेल्या चोरट्यांचा माग काढण्यात येत असून, ते सीसीटीव्ही चित्रीकरणात आढळून आले असल्याची माहिती सहायक पोलिस निरीक्षक प्रियांका गायकवाड यांनी दिली.
पोलिसांनी दिलेल्या माहितीनुसार, शिवणे परिसरात विजयलक्ष्मी ज्वेलर्स ही सराफी पेढी आहे. शनिवारी सायंकाळी पाचच्या सुमारास दुुचाकीवरुन आलेले तीन ते चार चोरटे खरेदीच्या बहाण्याने पेढीत शिरले. चोरट्यांनी शस्त्रे होती. एका चोरट्याने शस्त्र पेढीतील काचेवर आपटले. सराफ व्यावसायिकाने आरडाओरडा केल्यानंतर चोरट्यांनी त्यांना मारहाण करण्यास सुरुवात केली. त्यांच्या डोके, कपाळाला दुखापत झाले. सराफ व्यावसायिकाचा आरडाओरडा ऐकून शेजारी असलेले दुकानदार तेथे जमा झाले. पकडले जाण्याची भीती वाटल्याने चोरटे सराफी पेढीसमोर लावलेल्या दुचाकीवरुन पसार झाले. पोलिस उपनिरीक्षक मोनिका जेजोट तपास करत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
