आमदारपुत्र समाधान सर्वणकर आणि अभिनेत्री तेजस्विनी लोणारी विवाहबंधनात: मुंबईत शाही विवाहसोहळा संपन्न; मुख्यमंत्री देवेंद्र फडणवीस यांची उपस्थिती – Mumbai News

.

समाधान सर्वणकर आणि तेजस्विनी लोणारीचा साखरपुडा हा 26 ऑक्टोबर रोजी पार पडला होता. त्यानंतर तेजस्विनीच्या मेहंदी आणि हळदी सोहळ्याचे फोटो सोशल मीडियावर पाहायला मिळाले होते. आता दोघांचेही लग्न पार पडले असून या लग्नाला मुख्यमंत्री देवेंद्र फडणवीस यांनी उपस्थिती लावली होती. फडणवीस यांनी दोघांनाही पुढील वाटचालीसाठी शुभेच्छा दिल्या.

लग्न सोहळ्यात तेजस्विनीने गुलाबी रंगाची पैठणी नेसली होती. यावेळी तेजस्विनी वधूच्या गेटअपमध्ये अधिकच खुलून दिसत होती. तर समाधान यांनी ऑफ व्हाइट रंगाचा शेरवानी परिधान केला होता. एकंदरीतच दोघांचा विवाहसोहळा उत्साहात व आनंदात पार पडला. यावेळी राजकीय नेते तसेच मराठी कलाकारांनी उपस्थिती लावल्याचे पाहायला मिळाले. यावेळी खासदार श्रीकांत शिंदे यांनी देखील दोघांना शुभेच्छा दिल्या.

तेजस्विनी लोणारीने मंदार शिंदे यांच्या नो प्रॉब्लेम या चित्रपटातून पदार्पण केले होते. त्यानंतर मकरंद अनासपुरे यांच्यासोबत दोघात तिसरा आता सगळं विसरा, गुलदस्ता या चित्रपटात आपल्या अभिनयाने छाप सोडली होती. तसेच देवमाणूस या मालिकेतून तेजस्विनीने घराघरात आपले स्थान निर्माण केले होते. आता समाधान सर्वणकर यांच्याशी लग्न करत तेजस्विनी राजकीय कुटुंबाशी जोडली गेली आहे.