चारित्र्यावर संशय घेत पतीने पत्नीचा खून केल्याची धक्कादायक घटना अचलपूर तालुक्यातील खैरी येथे गुरूवारी (दि. 4) उघडकीस आली. या प्रकरणी पसार होण्याच्या तयारीत असलेल्या आरोपी पतीला आसेगाव पोलिसांनी अटक केली आहे.
.
जानराव उर्फ ज्ञान्या भोसले (35, रा. खैरी) असे अटक करण्यात आलेल्या आरोपीचे नाव असून, त्याची पत्नी सबाना जानराव भोसले (वय 32) हिचा त्याने खून केला आहे. पती जानराव हा पत्नीच्या चारित्र्यावर सातत्याने संशय घेत तिच्याशी वारंवार भांडणे करत होता. भांडण थांबवण्यास गेलेल्या वस्तीतल्या नागरिकांनाही तो शिवीगाळ व मारहाण करत असल्याने कोणतीही व्यक्ती त्यांच्या भांडणात हस्तक्षेप करण्यास धजावत नव्हते, असे स्थानिकांनी सांगितले. याशिवाय, जानरावने सासू सासऱ्यांनाही मारहाण करून त्यांना घराबाहेर काढून दिले होते. परिणामी त्यांच्यावर अत्यंत हालअपेष्टा सहन करण्याची वेळ आली होती. मृत दांपत्यास दोन लहान मुले आहेत. घटनेची माहिती मिळताच पोलिसांनी तातडीने घटनास्थळी फॉरेन्सिक व्हॅन वफिंगरप्रिंट तज्ज्ञांना पाचारण करून पुरावे संकलित केले.
बांबूने चेहऱ्यावर घाव
3 डिसेंबरला रात्री अंदाजे 10 ते 12 वाजण्याच्या दरम्यान जानरावचे पत्नीसोबत कडाक्याचे भांडण झाले. यावेळी त्याने बांबूने पत्नीच्या चेहऱ्यावर, छातीवर, पाठीवर,मांडीवर व पोटरीवर जबर मारहाण केली. या मारहाणीत सबाना भोसलेया गंभीर जखमी झाल्या आणि त्यातच त्यांचा मृत्यू झाला.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
