पाकिस्तानस्थित दहशतवादी संघटना लष्कर-ए-तैयबा (LeT) भारतातील काही प्रमुख धार्मिक स्थळांवर हल्ला करू शकते. गुप्त माहिती मिळाल्यानंतर दिल्लीतील प्रमुख धार्मिक आणि ऐतिहासिक स्थळांवर सुरक्षा वाढवण्यात आली आहे. अधिकाऱ्यांच्या माहितीनुसार, दहशतवादी संघटना IED (इम्प्रोव्हाइज्ड एक्सप्लोसिव्ह डिव्हाइस) च्या माध्यमातून लाल किल्ला आणि चांदणी चौक परिसरातील भागात हल्ला करू शकते अशी माहिती मिळाली आहे. विशेषतः चांदणी चौक परिसरातील एका मंदिराला धोक्याची शक्यता आहे. या माहितीची सध्या चौकशी सुरू असली तरी, खबरदारी घेतली जात आहे. लाल किल्ल्याभोवती सुरक्षा वाढवली, तीन फोटो: सीसीटीव्ही पाळत वाढवली केंद्रीय यंत्रणा आणि दिल्ली पोलीस एकत्र काम करत आहेत. सीसीटीव्ही पाळत वाढवण्यात आली आहे, वाहनांची तपासणी केली जात आहे आणि संवेदनशील ठिकाणी अतिरिक्त पोलीस दल तैनात करण्यात आले आहे. बॉम्बशोधक पथक, श्वानपथक आणि जलद प्रतिसाद पथक (QRT) देखील सज्ज ठेवण्यात आले आहेत. सुरक्षा यंत्रणांनी लोकांना सतर्क राहण्याचे आणि कोणत्याही संशयास्पद वस्तू किंवा हालचालीची त्वरित पोलीस किंवा आपत्कालीन सेवांना माहिती देण्याचे आवाहन केले आहे. अधिकाऱ्यांनी सांगितले की, घाबरण्याची गरज नाही, हे उपाय केवळ खबरदारी म्हणून उचलण्यात आले आहेत. 10 नोव्हेंबर रोजी लाल किल्ल्याजवळ स्फोट झाला होता हा अलर्ट 10 नोव्हेंबर 2025 रोजी लाल किल्ल्याजवळ झालेल्या कार बॉम्बस्फोटानंतर आला आहे. त्या स्फोटात 13 लोकांचा मृत्यू झाला होता आणि 20 हून अधिक लोक जखमी झाले होते. लाल किल्ला मेट्रो स्टेशनच्या गेट क्रमांक 1 जवळ स्फोटकांनी भरलेली कार फुटल्याने आसपास उभ्या असलेल्या अनेक गाड्यांना आग लागली होती आणि परिसरात गोंधळ निर्माण झाला होता. 6 फेब्रुवारी रोजी पाकिस्तानमधील इस्लामाबाद येथील मशिदीत झालेल्या हल्ल्याचा बदला घेण्यासाठी लष्कर भारतात मोठ्या दहशतवादी हल्ल्याच्या तयारीत आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
