Mumbai Chawl Collapse: मुंबई – बांद्रा पूर्वेतील भारत नगर परिसरात शुक्रवारी पहाटेच्या सुमारास एक गंभीर आणि धक्कादायक घटना घडली. तीन मजली चाळीचा काही भाग अचानक कोसळला. ज्यामुळे परिसरात भीतीचं वातावरण निर्माण झालं आहे. या दुर्घटनेत सात जण जखमी झाले असून ढिगाऱ्याखाली अजूनही काही लोक अडकल्याची भीती व्यक्त करण्यात येत आहे.
घटना कशी घडली?
शुक्रवारी 18 जुलै रोजी सकाळी पहाटे 5.56 मिनिटांनी मुंबईतील बांद्रा पूर्वेतील भारत नगरमधील चाळ क्रमांक 37 मध्ये ही घटना घडली आहे. या घटनेत तीन मजली इमारतीचा दुसरा आणि तिसरा मजला अचानक कोसळला. ज्यामध्ये तेथील परिसरात भीतीचं वातावरण निर्माण झालं. स्थानिक नागरिकांनी तातडीने प्रशासनाला याबाबत माहिती दिली आणि काही वेळातच बचाव कार्य सुरू करण्यात आलं.
बचाव कार्यासाठी युद्धपातळीवर प्रयत्न
या घटनेची माहिती मिळताच मुंबई फायर ब्रिगेडने लेव्हल-2 अलर्ट घोषित केला आणि मोठ्या प्रमाणावर बचाव पथके घटनास्थळी दाखल झाली.
सध्या घटनास्थळी मुंबई फायर ब्रिगेड (MFB), मुंबई पोलीस, MHADA, सार्वजनिक बांधकाम विभाग (PWD), अडानी ग्रुपचे स्वयंसेवक, BMC चा स्थानिक वॉर्ड कर्मचारी वर्ग, 108 आपत्कालीन रुग्णवाहिका सेवा या बचावकार्यासाठी 2 ADFO, 5 वरिष्ठ फायर ऑफिसर, 1 स्टेशन ऑफिसर, 5 फायर इंजिन्स, 1 मोबाइल वर्कशॉप टीम, 1 कमांड आणि कंट्रोल युनिट, 1 फोर्स टेंडर, 1 रेस्क्यू व्हेइकल आणि 1 वॉटर क्विक रिस्पॉन्स व्हेइकल हे सर्व तैनात करण्यात आले आहेत.
ढिगाऱ्याखाली अजूनही लोक अडकल्याची शक्यता
माहितीनुसार, या घटनेत 8 ते 10 लोक अद्याप ढिगाऱ्याखाली अडकलेले असू शकतात. त्यांना सुखरूप बाहेर काढण्यासाठी श्वानपथक, कटर मशीन आणि थर्मल डिटेक्टरच्या साहाय्याने शोधमोहीम सुरू आहे. बचाव दल पूर्ण प्रयत्न करत असून कोणत्याही प्रकारचा जीवितहानी होऊ नये यासाठी प्रयत्न सुरु आहेत.
सध्या या दुर्घटनेत 7 जण जखमी झाल्याची प्राथमिक माहिती समोर आली आहे. या सर्व जखमींना तात्काळ रुग्णालयात दाखल करण्यात आलं असून सध्या त्यांच्यावर उपचार सुरू आहेत. त्यातील काहींची प्रकृती गंभीर असल्याची शक्यता वर्तवली जात आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
