माहेरावरून पैसे आणण्याच्या कारणावरून विवाहितेचा छळ केल्याच्या आरोपावरून महिलेच्या पती विरुध्द हिंगोली शहर पोलिस ठाण्यात मंगळवारी ता. २८ रात्री उशीरा गुन्हा दाखल झाला आहे. विशेष म्हणजे विवाहितेने पश्‍चिम बंगाल राज्यातील संक्रेल पोलिस ठाण्यात तक्रार दा
.
पोलिसांनी दिलेल्या माहितीनुसार, पश्‍चिमबंगाल राज्यातील हावडा येथील श्‍वेता शर्मा (माटोलीया) या तरुणीचा विवाह सुरज सिताराम शर्मा (रा. साई वृंदावन सोसायटी, एनटीसी हिंगोली) याच्या सोबत ता. ३० एप्रील २०२१ रोजी झाला होता. विवाहानंतर श्‍वेता यांना एक महिना चांगले वागविल्यानंतर सुरज याने तिला त्रास देण्यात सुरवात केली.
दरम्यान, सुरज यास क्रिकेट सट्टा खेळण्याचे व्यसन लागले होते. सट्टा बाजारात नुकसान झाल्यानंतर तो दारु पिऊन घरी येत होता व श्‍वेता यांना शिवीगाळ करीत होता. तसेच वडिलांकडून पैसे घेऊन येण्याच्या कारणावरून तो छळ करू लागला होता. त्याच्या छळाला कंटाळून श्‍वेता माहेरी निघून गेल्या होत्या.
त्यानंतर त्यांनी संक्रेली पोलिस ठाण्यात तक्रार दाखल केली. यामध्ये सुरज याच्याकडून छळ केला जात असून त्याने लग्नातील स्त्रीधन असलेले सर्व दागिने ठेऊन घेतल्याचे तक्रारीत नमुद केले आहे. सदर घटना हिंगोली शहर पोलिस ठाण्याच्या हद्दीत घडल्यामुळे संक्रेली (पश्‍चिमबंगाल) पोलिसांनी सदर तक्रार हिंगोली शहर पोलिसांकडे वर्ग केली. यावरून पोलिसांनी सुरज शर्मा (माटोलीया) याच्या विरुध्द गुन्हा दाखल झाला आहे. पोलिस निरीक्षक संदीप मोदे, जमादार संजय मार्के पुढील तपास करीत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
