उपराष्ट्रपती पदाची निवडणूक आटोपून मुंबईमार्गे भंडाऱ्याकडे परतत असताना खासदार डॉ. प्रशांत पडोळे यांच्या वाहनाला आज पहाटे भीषण अपघात झाला. नागपूर बायपास वरील उमरेड फाट्याजवळ सकाळी सहाच्या सुमारास घडलेल्या या अपघातात थोडक्यात जीवितहानी टळली. खासदार पडोळ
.
घटनेच्या वेळी वाहनात खासदार स्वतः उपस्थित होते. दिल्ली येथे उपराष्ट्रपती पदा करिता मतदान करून ते विमानाने मुंबईला पोहोचले. तेथे कार्यालयीन काम पूर्ण केल्यानंतर आपल्या वाहनाने भंडाऱ्याकडे परतत होते. तेव्हा नागपूर बायपास वरील उमरेड फाट्याजवळ अचानक समोरून आलेल्या वाहना मुळे संतुलन बिघडले आणि जोरदार धडक बसली. अपघात गंभीर असला तरी डॉ. प्रशांत पडोळे हे वाहनातून प्रवास करीत असलेले सहकारी सुखरूप आहेत. घटनेची माहिती कळताच त्यांच्या समर्थकांमध्ये चिंतेचे वातावरण निर्माण झाले होते.
मागणी करूनही सुरक्षा मिळाली नाही – पडोळे
भंडारा-गोंदिया लोकसभा क्षेत्रातील बराचसा भाग नक्षलप्रभावित आहे. अशा परिस्थितीत खासदारांना अद्याप शासकीय सुरक्षा व्यवस्था न देणे ही मोठी शोकांतिका असल्याची भावना त्यांनी व्यक्त केली आहे. भाजप सरकारकडे वारंवार मागणी करूनही सुरक्षा न मिळाल्याने या अपघातानंतर पुन्हा प्रश्नचिन्ह उभे राहिले आहे.
पडोळे यांच्या जखमा सौम्य
सरकारला आता तरी जाग येईल का? असा सवाल काँग्रेस कार्यकर्त्यांनी केला आहे. या अपघातानंतर प्रशासनाने बोध घेउन भंडारा-गोंदिया लोकसभा क्षेत्रातील दौ-यात पोलिस सुरक्षा बळकट करण्याचे आवाहन जनतेतून होत आहे. अपघातानंतर स्थानिक प्रशासनाने घटनास्थळी धाव घेतली. वाहन रस्त्याच्या कडेला हलवण्यात आले असून पुढील चौकशी सुरू आहे. खासदार डॉ. पडोळे यांच्या जखमा सौम्य असल्याने त्यांना तातडीने उपचार देण्यात आले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
