दिल्लीतील साकेत परिसरात शनिवारी संध्याकाळी पाच मजली इमारत कोसळली. ढिगाऱ्याखाली अनेक लोक दबले असल्याची भीती आहे. दिल्ली अग्निशमन दलाच्या अधिकाऱ्यांनी सांगितले की, सध्या कोणाच्याही मृत्यूची बातमी नाही. अपघाताची माहिती मिळताच प्रशासन आणि दिल्ली अग्निशमन दलाच्या (DFS) चार गाड्या घटनास्थळी पोहोचल्या आहेत. ढिगाऱ्याखाली कोणी अडकले नाही याची खात्री करण्यासाठी तेथे शोधमोहीम राबवली जात आहे. इमारत कोसळण्याचे कारण अद्याप समजू शकलेले नाही. घटनेशी संबंधित 4 फोटो… दूरदर्शन इमारतीचा दगड कोसळला आज दिल्लीतील टिळक मार्ग पोलिस ठाण्याच्या हद्दीत असलेल्या दूरदर्शन इमारतीचा दगड कोसळल्याने एक तरुण गंभीर जखमी झाला. जखमीला रुग्णालयात दाखल करण्यात आले असून त्याची प्रकृती गंभीर आहे. जखमीची ओळख नीरज कुमार (३५) अशी झाली आहे. दिल्लीत इमारत कोसळण्याच्या मागील २ घटना जुलै २०२५: दिल्लीत चार मजली इमारत कोसळली, ६ ठार, ८ जखमी दिल्लीतील वेलकम परिसरात चार मजली इमारत कोसळल्याने ६ जणांचा मृत्यू झाला होता. तर एका वर्षाच्या मुलासह आठ जण जखमी झाले होते. इमारतीत १० लोकांचे एक कुटुंब राहत होते. एप्रिल २०२५: महिन्याभरापूर्वी इमारत कोसळल्याने ११ लोकांचा मृत्यू झाला होता दिल्लीतील मुस्तफाबाद परिसरात 18 एप्रिलच्या मध्यरात्री अडीच वाजता चार मजली इमारत कोसळली होती. या दुर्घटनेत 11 लोकांचा मृत्यू झाला होता. 20 वर्षे जुनी इमारत कोसळल्यानंतर 12 तासांपेक्षा जास्त काळ बचावकार्य सुरू होते. पोलिसांच्या माहितीनुसार, इमारतीत 22 लोक राहत होते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
