बिटरगाव श्री येथे बुधवारी नंदकुमार दळवी यांच्या कोरड्या विहिरीत एक हरीण पडले होते. त्याला वन विभागाच्या मदतीने बाहेर काढण्यात आले. या हरिणाला सुखरूपपणे बाहेर काढून निसर्गाच्या सानिध्यात सोडण्यात आले. सदरचे हरीण हे पाण्याच्या शोधात कळपातुन रस्ता चुकुन
.
बिटरगाव श्री येथे हरीण पडल्याची माहीती कळताच स्थानिकांनी हरणाला बाहेर काढण्यासाठी संबंधित विभागाला संपर्क साधण्याचा प्रयत्न केला परंतु याठिकाणी संपर्क करण्यासाठी मोहोळ येथील उपविभाग कार्यालयात संपर्क साधावा लागत होता. साधारण बाबींसाठी जरी मोहोळ येथे संपर्क साधावा लागत असल्याने ग्रामस्थ हातबल झाले होते. लोकांनी सदरच्या हरणाला वाचवण्याचा प्रयत्न करीत असताना कोणता अनुचित प्रकार घडला असता तर पुन्हा लोकांना कारवाईची भीती होती. त्यामुळे संबंधित विभागाच्या कर्मचाऱ्यांची वाट बघण्याशिवाय पर्याय नव्हता. दोन तासांच्या प्रतीक्षेनंतर सदरचे कर्मचारी पोहचले व त्यांना हरीण बाहेर काढले. कर्मचाऱ्यांसह ग्रामस्थ भूषण पाटील, वनमजूर नारायण चव्हाण, किरण घोडके, बापू जाधव, शिवाजी बोराडे, अशोक मुरुमकर यांनी हरीण बाहेर काढण्यासाठी परिश्रम घेतले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
