राष्ट्रवादी काँग्रेस शरदचंद्र पवार पक्षाचे ज्येष्ठ नेते तथा आमदार एकनाथ खडसे यांनी कथित हनी ट्रॅपच्या मुद्यावरून पुन्हा एकदा भाजप नेते गिरीश महाजन यांच्यावर निशाणा साधला आहे. आता माझे वय गुलाबी गप्पा मारण्याचे नाही. पण गिरीश महाजन यांनी हनी ट्रॅपच्या
.
एकनाथ खडसे व गिरीश महाजन यांच्यात हनी ट्रॅप प्रकरणातील संशयित प्रफुल्ल लोढा याच्यावरून रान पेटले आहे. खडसे यांनी सुरूवातीला लोढाचा दाखला देत महाजनांवर गंभीर आरोप केले. त्यानंतर महाजन यांनी लोढा हा खडसेंना गुलाबाचे फुल देत असतानाचा फोटो ट्विट केला. तसेच खडसेंचा एकेरी उल्लेख करत त्यांच्यावर लोढांशी गुलाबी गप्पा मारण्याचा आरोप केला. त्यांच्या आरोपांना आता खडसेंनी जोरदार प्रत्युत्तर दिले आहे.
लोढा तुमच्या गुलाबी गप्पा सांगत होता
एकनाथ खडसे म्हणाले, हो, लोढा माझ्याशी बोलत होता. पण गुलाबी गप्पा माझ्यासोबत नव्हे, तर तुमच्याबद्दलच्या गोष्टी तो मला सांगत होता. माझे आता गुलाबी गप्पा मारण्याचे वय राहिले नाही. पण तुम्ही लोढाला हॉटेलमध्ये नेऊन त्याचे पाय दाबले. त्याच्यावर दबाव आणला. त्याची माहिती मला मिळत होती. तुम्ही आज जिथे आहात ते केवळ मुख्यमंत्री देवेंद्र फडणवीस यांच्यामुळे आहात. अन्यथा तुमची किंमत गल्लीतल्या कुत्र्याएवढीही राहिली नसती. माझ्या पाच चौकशा झाल्या. तुमच्याही संपत्तीची चौकशी झाली पाहिजे. तुम्हाला चालेल का? तेवढा दम आहे का तुमच्यात?
एकनाथ खडसे यांनी यावेळी भाजपकडून त्यांच्या झालेल्या हेटाळणीवरही भाष्य केले. मी पक्षासाठी आयुष्य वेचले. पण आम्ही बाहेर फेकलो गेलो. याऊलट ज्यांच्यावर आरोप सिद्ध झाले, ते लोक आज पक्षात आहेत. गिरीश महाजन यांनी मला मंत्रिमंडळापासून दूर ठेवण्याचा कट रचला. जिल्ह्यातील संस्थांवर ताबा मिळवला. मी मंत्रिमंडळात होतो तोपर्यंत महाजनांचे वर्चस्व प्रस्थापित होणे शक्य नव्हते. त्यामुळेच हे सर्वकाही घडले, असे ते म्हणाले.
महाजनांनी खडसेंचा केला होता एकेरी उल्लेख
गिरीश महाजन गुरूवारी एकनाथ खडसेंचा एकेरी उल्लेख करताना म्हणाले होते, एकनाथ खडसे, तुमच्या या गुलाबी गप्पा कोणासोबत रंगल्या आहेत? ये रिश्ता क्या कहलाता है? तुमचे हे षडयंत्र जनतेसमोर उघडं होतं आहे. हाच तो प्रफुल्ल लोढा ज्याला तुम्ही दारूडा बोलला होतात? हा तोच प्रफुल्ल लोढा ज्याने तुमच्यावर स्वतःच्या मुलाच्या खुनाचा आरोप केलेला आहे. 2019 ते 2022 च्या दरम्यान अशा खोट्या पुराव्यांचा आधारे सत्तेचा गैरवापर करून तुम्ही माझ्यावर असंख्य आरोप केले.
त्या प्रत्येक आरोपाची चौकशी झाली, अगदी आर्थिक गुन्हे शाखेकडूनही माझी चौकशी झाली, पण त्यातून काहीही निष्पन्न झाले नाही. मी निर्दोष आहे हेच वारंवार सिद्ध झाले. आता तुमच्याच म्हणण्यानुसार जो लोढा दारूडा आहे त्याच प्रफुल्ल लोढाचा आधार घेऊन माझ्यावर बिनबुडाचे आरोप करत आहात का? असा सवाल महाजन यांनी या प्रकरणी उपस्थित केला होता.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
