दिशा सालियनच्या वडिलांच्या वकिलांनी मालवणी पोलिसांनी यापूर्वी सादर केलेल्या क्लोजर रिपोर्टवर प्रश्नचिन्ह उपस्थित केले आहे. मालवणी पोलिसांनी सादर केलेला क्लोजर रिपोर्ट वैध कसा? या रिपोर्टचा आरोपींना कोणताही फायदा होणार नाही. खोटे पुरावे तयार केल्याप्र
.
दिशा सालियन प्रकरणात शुक्रवारी मालवणी पोलिसांचा एक क्लोजर रिपोर्ट समोर आला. या रिपोर्टमध्ये दिशा सालियनने आपल्या वडिलांच्या म्हणजे सतीश सालियन यांच्या विवाहबाह्य संबंधांना कंटाळून आत्महत्या केल्याचा दावा करण्यात आला आहे. या पार्श्वभूमीवर सतीश यांचे वकील नीलेश ओझा यांनी उपरोक्त दावा केला आहे. ते म्हणाले, दिशाच्या वडिलांचे विवाहबाह्य संबंध होते. ती त्यांना पैसे द्यायची. यामुळे निराश होऊन तिने आत्महत्या केली असे मुंबई पोलिसांनी आपल्या क्लोजर रिपोर्टमध्ये म्हटल्याचा दावा केला जात आहे.
पण पोलिसांनी हा रिपोर्ट मागे घेतला होता, तर मग तो वैध कसा? हा क्लोजर रिपोर्ट मागे घेतला असेल तर त्यातील गोष्टींना कोणताही अर्थ उरत नाही. त्यानंतर या प्रकरणी एसआयटीची स्थापना झाली. प्रकरणाचा नव्याने तपास सुरू झाला. त्यामुळे आरोपींना या रिपोर्टचा कोणताही फायदा होणार नाही. आत्ता आरोपींच्या प्रवक्त्यांना काय आनंद साजरा करायचाय तो करू द्या.
मालवणी पोलिसांना खोटारडेपणाचे नोबेल द्या
नीलेश ओझा पुढे म्हणाले, दिशा सालियनच्या मृत्यूप्रकरणी आम्ही आज काही नवे पुरावे मीडियापुढे सादर करत आहोत. दिशाचा मित्र रोहन रायने वर्षभरानंतर एका मुलाखतीत दिशाच्या मृत्यूविषयी काही गौप्यस्फोट केले होते. 15 नोव्हेंबर 2022 रोजी त्याची एका वृत्तपत्रात मुलाखत छापून आली होती. दिशा प्राण्यांच्या बाबतीत फारच संवेदनशील होती. केरळमध्ये एका गरोदर हत्तीणीसोबत घडलेल्या घटनेमुळे ती नैराश्यात गेली होती असे तो म्हणाला होता. उलट पोलिसांच्या अहवालात तिच्या वडिलांच्या विवाहबाह्य संबंधांमुळे ती नैराश्यात गेल्याचा दावा करण्यात आला आहे.
मालवणी पोलिसांनी या प्रकरणी अनेक खोटे पुरावे तयार केलेत. यासाठी त्यांना नोबेल पुरस्कार मिळायला हवा, असेही वकील नीलेश ओझा यांनी आज पत्रकारांशी बोलताना म्हटले आहे.
हे ही वाचा…
दिशा सालियन वडिलांच्या अफेअरमुळे होती त्रस्त:मित्रांशी केली होती चर्चा; आर्थिक तणावातून आयुष्य संपवल्याचा क्लोजर रिपोर्टमध्ये दावा
मुंबई – बॉलिवूड अभिनेता सुशांतसिंह राजपूत याची माजी मॅनेजर दिशा सालियनच्या मृत्यू प्रकरणात एक नवा खुलासा झाला आहे. त्यानुसार, दिशा आपल्या वडिलांच्या अफेअरमुळे परेशान झाली होती. संबंधितांना पैसे देऊन ती पुरती थकली होती. यामुळे आलेल्या आर्थिक वैफल्यातून तिने स्वतःचे आयुष्य संपवून घेतले, असे मालवणी पोलिसांच्या यापूर्वीच्या क्लोजर रिपोर्टमध्ये नमूद करण्यात आले आहे. वाचा सविस्तर
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
