कर्नाटकातील म्हैसूरमध्ये सोमवारी एका रेस्टो-पबला आग लागल्याने 2 लोकांचा मृत्यू झाला. पाच लोक जखमी झाले. मृत्यू झालेल्यांमध्ये दार्जिलिंगचा 26 वर्षीय शाहीन आणि नेपाळचा 24 वर्षीय प्रकाश यांचा समावेश आहे. सात लोकांना वाचवण्यात आले. रुग्णालयात ज्यांच्यावर उपचार सुरू आहेत, त्यामध्ये ग्राहक सोनू, रमेश, महादेव प्रसाद, प्रज्वल, अविनाश आणि पबचे मालक प्रीतम पुमीत यांचा समावेश आहे. मिळालेल्या माहितीनुसार, दत्तगल्ली परिसरात नेताजी सर्कलजवळ फॉक्स डेन लिकर गॅरेज बार आणि रेस्टॉरंटमध्ये शॉर्ट सर्किटमुळे आग लागली. घटनेच्या वेळी पबमध्ये 25 हून अधिक लोक होते. या घटनेशी संबंधित 3 फोटो… दिल्लीतील हॉटेलमध्ये आग लागल्याने 21 जणांचा मृत्यू दिल्लीतील मालवीय नगर येथील फ्लरिश स्टे हॉटेलमध्ये 3 जून रोजी आग लागल्याने 21 लोकांचा मृत्यू झाला होता. मृतांमध्ये 10 भारतीय आणि 11 परदेशी नागरिक होते. यामध्ये 9 आफ्रिकन आणि 2 तुर्कमेनिस्तानचे नागरिक आहेत. 10 भारतीय मृतांपैकी 8 जण नातेवाईक होते. यामध्ये 3 राजस्थानचे आणि 5 हरियाणाचे रहिवासी होते. या दुर्घटनेत एकूण 35 लोक जखमी झाले. दिल्ली पोलिसांनी हॉटेल मालक लवकेश बजाजला ताब्यात घेऊन सदोष मनुष्यवधाचा गुन्हा दाखल केला आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
