उत्तर प्रदेशची राजधानी लखनऊमधील अलीगंज परिसरात सोमवारी दुपारी एका तीन मजली इमारतीला आग लागली. या दुर्घटनेत आतापर्यंत 15 जणांचा मृत्यू झाला आहे. यापैकी बहुतेक विद्यार्थी आहेत. 6 जण जखमी आहेत. दुसऱ्या मजल्यावर सुरू असलेल्या कोचिंगमध्ये विद्यार्थ्यांनी स्वतःला बाथरूममध्ये बंद करून घेतले होते. एका मुलाने पहिल्या मजल्यावरून उडी मारून आपला जीव वाचवला. पण तो खाली ग्रीलवर पडला आणि गंभीर जखमी झाला. अग्निशमन दलाच्या सुमारे 10 गाड्या घटनास्थळी आहेत. एक हायड्रोलिक प्लॅटफॉर्म आग विझवण्याचे काम करत आहे. एसडीआरएफ (SDRF) आणि एनडीआरएफ (NDRF) देखील पोहोचले आहेत. अग्निशमन दलाच्या जवानांनी इमारतीची मागची भिंत तोडली आहे, ज्यातून मृतदेह बाहेर काढले जात आहेत. एका पोलीस अधिकाऱ्याने सांगितले की, अजूनही सुमारे 10 लोक आत अडकले आहेत. उपमुख्यमंत्री ब्रजेश पाठक घटनास्थळी पोहोचले आहेत. सुमारे 14 रुग्णवाहिका मागवण्यात आल्या आहेत. इमारतीत तळघर, तळमजला आणि पहिल्या मजल्यावर पेट शॉप आणि क्लिनिक आहे. दुसऱ्या मजल्यावर ‘लर्निंग स्पेस’ नावाचे ग्रंथालय (कोचिंग) आणि ‘हेड हॉपर स्टुडिओ’ आहे, जिथे 3D आर्ट प्रोडक्शन आणि गेम ॲसेट आउटसोर्सिंगचे काम होते. 7 फोटोंमध्ये बघा अपघात… घटनेशी संबंधित प्रत्येक क्षणाची अपडेट्स जाणून घेण्यासाठी खालील ब्लॉग वाचा…
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
