रायगड आणि नाशिक जिल्ह्याच्या पालकमंत्री पदावरून महायुतीमध्ये धुसफूस सुरू आहे. याचा प्रत्यय आजही आला. राज्य मंत्रिमंडळाच्या बैठकीपूर्वी राज्याचे उपमुख्यमंत्री अजित पवार यांनी रायगड जिल्हा नियोजन समितीची बैठक बोलावली होती. परंतु, शिवसेना शिंदे गटाच्या
.
उपमुख्यमंत्री आणि राज्याचे अर्थमंत्री अजित पवारांच्या उपस्थितीत रायगड जिल्ह्याची डीपीडीसीची बैठक झाली. ही बैठक ऑनलाईन होती. या बैठकीला मंत्री आदिती तटकरे, जिल्हाधिकारी आणि इतर प्रशासकीय अधिकारी उपस्थित होते. या बैठकीला एकनाथ शिंदे शिवसेनेचे एकही आमदार उपस्थित नव्हते. पालकमंत्रीपदाच्या वादावरून तिढा कायम असल्याचे यातून पुन्हा एकदा समोर आले आहे. या बैठकीला शिवसेनेच्या आमदारांनी गैरहजेरी ही चर्चेचा विषय ठरली आहे. आम्हाला या बैठकीबद्दल माहिती नव्हती अशी प्रतिक्रिया शिवसेना आमदारांनी दिली आहे.
काय म्हणाले भरत गोगावले?
रायगडावर संभाजी भिडे यांच्या धारकऱ्यांचा एक कार्यक्रम होता. माझ्याच मतदारसंघात उंबरटपासून रायगडपर्यंत धारकरींची पाच दिवस पायी यात्रा होती. त्यामुळे त्यांच्या स्वागतासाठी उपस्थित राहणे आवश्यक होते. त्यामुळे बैठकीला येणार नाही हे मी आधीच सांगितले होते. या कार्यक्रमासाठी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनाही आमंत्रित केले होते. पण, ते कार्यक्रमासाठी येऊ शकले नाहीत. मी मुख्यमंत्र्यांना कल्पना दिली होती की बैठकीला येऊ शकत नाही, असे स्पष्टीकरण भरत गोगावले यांनी दिले.
शिवसेनेचा एकही आमदार बैठकीसाठी का उपस्थित नव्हता? असा प्रश्न विचारला असता, बैठकीसाठी फक्त मंत्र्यांनाच बोलावले होते. आमदारांना निमंत्रित केले नव्हते. ही आढावा बैठक होती. ही बैठक सोमवारी पार पडणार होती. परंतु, अचानक पुढे ढकलून मंगळवारी ठेवण्यात आली, असे गोगावले यांनी सांगितले.
पालकमंत्रिपदाचा तिढा कायम आहे. नाराज असल्यामुळे तुम्ही बैठकीला उपस्थित नव्हता? असे विचारल्यावर गोगावले म्हणाले की, असे काही नाही. पालकमंत्रिपदाचा तिढा दोन-तीन दिवसांत सुटेल असे एकनाथ शिंदे यांनी सांगितले आहे. त्यामुळे लवकरच हा तिढा सुटेल.
बैठकीचे निमंत्रण न मिळाल्याचा दावा दरम्यान, शिवसेना आमदार महेंद्र थोरवे यांनीही प्रतिक्रिया व्यक्त केली. अजित पवार यांच्या दालनामध्ये आज जिल्हाधिकाऱ्यांसोबत रायगड जिल्हा नियोजन समितीची बैठक ऑनलाईन घेण्यात आली. आमच्या मतदार संघातील जनतेचे प्रश्न सोडविण्यासाठी आम्हाला बोलवायला पाहिजे होत. जाणीवपूर्वक मिटिंग उपमुख्यमंत्री आणि मंत्री अशी घेण्यात आली. जिल्ह्यातील राजकारण पाहता ही बैठक घेण्यात आली. बैठकीला सर्व आमदार उपस्थित असतात. आता याबाबत आम्ही उपमुख्यमंत्री एकनाथ शिंदे यांच्याशी चर्चा करू, असं सांगतानाच पालकमंत्रीपदाचा तिढा लवकरच सुटेल, असं आमदार महेंद्र थोरवे म्हणाले. तर दुसरीकडे अजितदादा कार्यालयाने हा दावा खोडला आहे. भरतशेठ गोगावले यांना निमंत्रण दिल्याचा दावा अजित पवारांच्या कार्यालयाकडून करण्यात आला होता.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
