औंढा नागनाथ तालुक्यातील शिरला तांडा शिवारात एका आखाड्यावर कुऱ्हाड, चाकू, लाकडी दांडा घेऊन आलेल्या दरोडेखोरांनी एका शेतकऱ्याला मारहाण करीत तेथील दोन महिलांच्या अंगावरील १.०६ लाख रुपये किंमतीचे दागिने पळवले. या प्रकरणी औंढा नागनाथ पोलिस ठाण्यात रविवारी
.
पोलिसांनी दिलेल्या माहितीनुसार, वसमत तालुक्यातील रांजाळा येथील तुकाराम रणवीर हे त्यांची पत्नी, मुलगा, सुन व नातु यांच्यासह शिरलातांडा शिवारातील शेतातील आखाड्यावर राहतात. शनिवारी मध्यरात्री साडेबारा वाजण्याच्या सुमारास चार दरोडेखोर हातात कुऱ्हाड, चाकू, लाकडी दांडा घेऊन आखाड्यावर आले. यावेळी त्यांनी तुकाराम रणवीर व त्यांच्या कुटूुंबियांना मारहाण केली. यामध्ये तुकाराम यांना दुखापत झाली. त्यानंतर दरोडेखोरांनी तुकाराम यांची पत्नी व सुनेच्या अंगावरील दागिने असा १.०६ लाख रुपये किंमतीचा मुद्देमाल घेऊन पळ काढला.
या घटनेची माहिती मिळताच पोलिस अधिक्षक श्रीकृष्ण कोकाटे, औंढा पोलिस ठाण्याचे निरीक्षक जी. एस. राहिरे, सहाय्यक पोलिस निरीक्षक कैलास भगत, उपनिरीक्षक माधव जिव्हारे, कानगुले, जमादार दिलीप नाईक, संदीप टाक, इम्रान सिद्दीकी, रविकांत हरकाळ यांच्या पथकाने घटनास्थळी धाव घेतली. पोलिसांनी श्‍वान पथकाला पाचारण केले. श्‍वान पथकाने घटनास्थळापासून काही अंतरावर माग काढला. या घटनेमध्ये जखमी झालेल्या तुकाराम यांना उपचारासाठी जवळाबाजार येथील रुग्णालयात दाखल केले आहे.
याप्रकरणी तुकाराम रणवीर यांच्या तक्रारीवरून औंढा नागनाथ पोलिस ठाण्यात रविवारी ता. २० पहाटे गुन्हा दाखल झाला आहे. दरोडेखोरांच्या शोधासाठी औढा पोलिसांसह स्थानिक गुन्हे शाखेचे पथक रवाना करण्यात आल्याचे पोलिसांनी सांगितले. या घटनेमुळे परिसरात एकच खळबळ उडाली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
