श्रीमती केशरबाईला लाहोटी महाविद्यालयात ‘जागतिक मातृभाषा दिन’ मराठी विभागातर्फे दि. 27 फेब्रुवारी 2025 रोजी उत्साहात साजरा करण्यात आला. यानिमित्ताने प्राध्यापिका दीपावली राऊत यांचे ‘प्राथमिक शिक्षणात मातृभाषेचे महत्त्व’ या विषयावर व्याख्यान आयोजित करण
.
प्राथमिक शिक्षणात मातृभाषेचे महत्त्व विशद करताना प्राध्यापिका राऊत म्हणाल्या की, मातृभाषेतील ‘मातृ’ हा शब्दच मुळात आईचे निदर्शक आहे. आई ज्या प्रेमाने मुलांचे भरणपोषण करते. तसेच, भाषासुद्धा आईच्या प्रेमाने मुलांचं सामाजिक आणि सांस्कृतिक भरणपोषण करत असते. त्यांचे जीवन संपन्न करत असते. प्रत्येकालाच आईप्रमाणे आपली मातृभाषाही प्रिय असते. मातृभाषेतून शिकवल्यावर त्याचे आकलन करणे विद्यार्थ्याला सहज सोपे होते. शाळेतील माध्यम, घरातील माध्यम आणि परिसराचे माध्यम एकच असल्याने विचार करणे, विश्लेषण करणे आणि निर्णय घेणे आदी क्षमतांचा विकास होण्यास मातृभाषा महत्त्वाची ठरते. मातृभाषेतून शिकल्याने व्यक्तिमत्व सहज फुलते, मुलांमध्ये उपजत गुणांची चांगली जोपासना होते असे प्रतिपादन त्यांनी केले.
प्राचार्य डॉ. व्ही. एल. भांगडिया म्हणाले की, भाषिक आणि सांस्कृतिक विविधतेला प्रोत्साहन देण्यासाठी, भाषांचे संवर्धन करण्यासाठी हा दिवस जगभरात साजरा करण्यात येतो. मातृभाषा ही संस्कृतीची जननी आहे. मातृभाषेतूनच मुलांचा बौद्धिक विकास लवकर होतो, म्हणूनच नवीन शैक्षणिक धोरणामध्ये प्राथमिक शिक्षण मातृभाषेतूनच देण्याचा निर्णय सरकारने घेतला असल्याचे त्यांनी सांगितले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
