शहरासह उपनगरात उघड्या नाले व गटारींचा प्रश्न गंभीर बनला आहे. फेम सिग्नल ते टाकळीगाव येथील उघड्या नाल्यामुळे स्थानिक नागरिकांचे आरोग्य धोक्यात आले आहे. सततच्या दुर्गंधीमुळे रहिवासी हैराण झाले असून, नाला बंदिस्त करण्याची मागणी केली जात आहे. मात्र, मनपा
.
वडाळागाव ते टाकळीगाव असा वाहणारा नाला बहुतांश ठिकाणी उघडाच आहे. या नाल्यात परिसरातील वसाहतींमधून वाहणारे सांडपाणी थेट नाल्यात सोडले जाते. यामुळे फेम सिग्नल, ड्रीम सिटी, तोरणा सोसायटी, समतानगर आदी परिसरातील नागरिक त्रस्त झाले आहेत. दरम्यान, श्री श्री रविशंकर मार्ग, नारळबाग परिसरात या नाल्यावर जाळी बसविण्यात आल्या आहेत तर फेम सिग्नलपासून पुढे टाकळी गावाकडे जाणारा हाच नाला उघडा आहे. एका प्रभागात बंदिस्त नाला तर दुसऱ्या प्रभागात खुला नाला असा दुजाभाव पालिकेने केल्याने नागरिकांमध्ये संताप व्यक्त होत आहे.
नाल्याची नियमित स्वच्छता होत नसल्याने साथीच्या आजारांना आमंत्रण मिळत आहे. नाला पूर्ण क्षमतेने प्रवाहित नसल्याने ठिकठिकाणी सांडपाण्याचे डबके साचले आहे. या पाण्यामध्ये डासांची उत्पत्ती होत आहे. तक्रारी करूनही दखल घेतली जात नसल्याने संताप व्यक्त होत आहे.
साथीच्या आजारांना आमंत्रण
^नाला स्वच्छता, दुरुस्तीकडे मनपाचे दुर्लक्ष होत असल्याने साथीच्या आजार होण्याची शक्यता आहे. नाला बंदिस्त करावा. अन्यथा आंदोलन करू.
– हिरामण लोखंडे, सामाजिक कार्यकर्ते
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
