अहमदाबाद विमानतळावर एका विमानातून चार किलो सोने जप्त करण्यात आले आहे. महसूल गुप्तचर संचालनालयाच्या (डीआरआय) अधिकाऱ्यांनी विमानावर छापा टाकला आणि विमानातील शौचालयातून ते जप्त केले. इंडिगोचे हे विमान गुरुवारी दुबईहून अहमदाबादला पोहोचले होते. सोने कोण घेऊन आले होते, याची चौकशी सुरू आहे. गुप्त माहितीच्या आधारे अधिकाऱ्यांनी विमानाची तपासणी केली. तपासणीदरम्यान शौचालयात लावलेल्या स्पीकर बॉक्सच्या आत दोन पिशव्या सापडल्या. या पिशव्यांमध्ये २४ सोन्याचे बिस्किट्स ठेवलेले होते. या ९९९ कॅरेटच्या बिस्किटांची बाजारमूल्य ४ कोटी रुपयांपेक्षा जास्त असल्याचा अंदाज आहे. काळ्या रंगाच्या टेपने गुंडाळलेल्या दोन पाऊचमध्ये सोने होते विमानतळावरून मिळालेल्या माहितीनुसार, अधिकाऱ्यांना विमानातून सोन्याची तस्करी होत असल्याची गुप्त माहिती मिळाली होती. गुरुवारी इंडिगोचे विमान 6E-1478 अहमदाबाद विमानतळावर पोहोचताच त्याची तपासणी सुरू करण्यात आली. टॉयलेटमधून यापूर्वीही सोन्याच्या तस्करीच्या घटना समोर आल्या आहेत. त्यामुळे एका टीमने टॉयलेटची बारकाईने तपासणी केली. टॉयलेटचा स्पीकर बॉक्स काढला असता, त्याचे वजन खूप जास्त जाणवले. जेव्हा बॉक्स उघडला, तेव्हा त्याच्या आत काळ्या रंगाच्या टेपने गुंडाळलेले दोन पाऊच सापडले. पाऊचमध्ये 999.0 शुद्धतेचे (24 कॅरेट) 24 परदेशी बनावटीचे सोन्याचे बिस्किटे आढळले. त्यांचे एकूण वजन 2,799.3 ग्रॅम होते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
