केरळमधील कोठामंगलम येथे मुवत्तुपुझा नदीतून चार मृतदेह सापडले आहेत. यात पती-पत्नी आणि दोन मुलांचे मृतदेह आहेत. हे संपूर्ण कुटुंब २५ जूनपासून बेपत्ता होते. पोलिसांनी दिलेल्या माहितीनुसार, सर्व मृतदेह नदीच्या वेगवेगळ्या भागांत सापडले. पोलिसांनी सांगितले की, या घटनेत नारायणन, त्यांची दृष्टीहीन पत्नी विजी आणि दोन अल्पवयीन मुलांचा मृत्यू झाला आहे. ते सर्व कोठामंगलममध्येच भाड्याच्या घरात राहत होते. कुटुंब आर्थिक अडचणी आणि मानसिक त्रासातून जात होते. कुटुंब बेपत्ता झाल्याच्या आणि नदीत मृतदेह सापडल्याच्या ३ प्रतिमा… पोलिसांनी कुटुंबाच्या राहण्याची आणि जेवणाची व्यवस्था केली होती कोठामंगलम पोलीस ठाण्याचे एसएचओ प्रशांत कुमार यांच्या माहितीनुसार, कुटुंब गेल्या एक वर्षापासून कोठामंगलमजवळ भाड्याच्या घरात राहत होते. सुमारे 45 दिवसांपूर्वी घरमालकाने घर रिकामे करण्याची नोटीस दिली होती. काळजीग्रस्त नारायणने पोलिसांकडे मदत मागितली. पोलिसांनी कुटुंबासाठी तात्पुरत्या निवासाची व्यवस्था केली, जेवण आणि इतर सामान मिळवून दिले. त्याचबरोबर कुटुंबासाठी भाड्याचे घर शोधले. ज्या दिवशी कुटुंब बेपत्ता झाले, त्याच दिवशी त्यांना नवीन घरात स्थलांतरित व्हायचे होते. पोलिसांनी सांगितले की, कुटुंबाला कायमस्वरूपी घर मिळवून देण्याचे आश्वासनही देण्यात आले होते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
