‘नाफेड’चा कांदा खरेदीचा ठेका घेण्यासाठी काही सोसायट्यांनी कागदोपत्री वार्षिक एक कोटींची उलाढाल दाखवली असून, प्रत्यक्षात त्याबाबतचे खरेदी-विक्रीच्या आर्थिक उलाढालीचे बँक स्टेटमेंट सादर केले नसल्याची धक्कादायक बाब जिल्हा उपनिबंधक कार्यालयाच्या अहवालातून समोर आली आहे. काम मिळालेल्या अनेक सोसायट्यांनी कागदावरच आर्थिक उलाढालीचे आभासी चित्र निर्माण केले असल्याचा शेरा निबंधक कार्यालयाने मारला आहे. कांदा खरेदी-विक्रीचे अनुभव प्रमाणपत्र न जोडणे, आयकर रिटर्न, जीएसटी नोंदी ही कागदपत्रे या संस्थांनी सादर केली नसताना नाफेडने या संस्थांना काम दिलेच कसे, याबाबत प्रश्नचिन्ह निर्माण होत असून घोटाळ्यावर शिक्कामोर्तब होत आहे. नाफेडकडून जिल्ह्यात दोन लाख टन कांदा खरेदी सुरू असून त्यात कापडी पिशवी शिवण्याचा अनुभव असलेल्या संस्थेला कांदा खरेदीचा ठेका देणे, लेखापरीक्षकांनी स्वतः घेतलेले ठेके, सोसायटीच्या नावाखाली फार्मर प्रोड्युसर कंपन्या सर्व सूत्रे हलवत असल्याचे धक्कादायक वास्तव ‘दिव्य मराठी’ने समोर आणले. आता त्याहून मोठी धक्कादायक बाब म्हणजे काम मिळवलेल्या अनेक सोसायट्यांनी नाफेडकडून निविदा प्रक्रिया राबवताना टाकण्यात आलेल्या अटी-शर्तींचा भंग केल्याचा गंभीर प्रकार समोर आला आहे. जिल्हा उपनिबंधक कार्यालयाने या सोसायट्यांनी सादर केलेल्या कागदपत्रांची तपासणी केली असून हा अहवाल नाफेडला सादर केला आहे. उपनिबंधकांच्या निर्णयानुसार ठेके रद्द करणार जिल्हा उपनिबंधकांना ठेका दिलेल्या संस्थांपैकी कोणती पात्र व कोणती अपात्र आहे, असा शेरा मारून अहवाल सादर करावा असे पत्र पाठवले आहे. त्यानंतर कोणत्या संस्थेचे काम रद्द करायचे याचा निर्णय घेतला जाईल. -अंकित मदाम, शाखा व्यवस्थापक, नाफेड, नाशिक. या संस्थांबाबत गंभीर नोंदी
1. पिंपळगाव बसवंत विविध कार्यकारी सेवा सहकारी संस्था
कांदा खरेदी-विक्रीबाबत बँक स्टेटमेंट जोडले नाही. 2. गोदावरी विविध कार्यकारी सेवा सहकारी संस्था
कांदा खरेदी-विक्रीबाबत बँक स्टेटमेंट जोडले नाही. 3. राजूर कृषी बहुउद्देशीय सेवा संस्था
कांदा खरेदी-विक्री व्यवहाराचे बँक स्टेटमेंट जोडले नाही. 4. चांदवड तालुका बहुउद्देशीय सेवा सहकारी संस्था
कांदा खरेदी-विक्रीबाबत बँक स्टेटमेंट जोडले नाही. 5. शेतकरी सहकारी संघ, कळवण
सन 2023-24 या आर्थिक वर्षाचा लेखापरीक्षण अहवाल अप्राप्त. आभासी नोंदींचा शेरा 1. नांदगाव तालुका तुळजाभवानी शेतकरी विकास सहकारी संस्था
शिल्लक माल ताळेबंदात दाखवून खेळत्या भागभांडवलात वाढ केली.
रोखीने व्यवहार केल्याचे दाखवले.
बँक स्टेटमेंट जोडले नाही.
आयकर रिटर्न, टीडीएस, जीएसटीबाबत आर्थिक नोंदी पत्रकात नाहीत.
खरेदी-विक्रीचे मूळ दप्तर नाही. 2. श्री गुरुजी अटल नावीन्यपूर्ण सहकारी संस्था
रोखीने कांदा खरेदी-विक्री केल्याचे व्यवहार दिसून येतात.
व्यवहाराचे बँक स्टेटमेंट नाही.
आयकर रिटर्न, टीडीएस, जीएसटीबाबत नोंदी प्राप्त नाहीत.
माल शिल्लक अन् भांडवल खेळते.
खरेदी-विक्रीचे मूळ दप्तर नाही. 3. स्त्री शक्ती महिला अटल नावीन्यपूर्ण सहकारी संस्था
आभासी नोंदी असून रोखीने व्यवहार नोंदवल्याचे दिसून येते.
कांदा खरेदी-विक्रीची नोंद व्यापारी पत्रकात दिसून येत नाही.
आयकर रिटर्न, टीडीएस, जीएसटीबाबत आर्थिक नोंद उपलब्ध नाही.
कांदा खरेदी-विक्रीबाबत बँक स्टेटमेंट जोडले नाही.
आर्थिक पत्रकात आभासी नोंदी दिसून येत आहेत. 4. वैष्णवी अटल नावीन्यपूर्ण सहकारी संस्था
प्रत्यक्षात कांदा खरेदी केल्याचे दिसून येत नाही.
आर्थिक पत्रकात आभासी नोंदी दिसून येतात.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
