अमृतसरमधील गोल्डन टेंपलबाहेर 2 सख्ख्या बहिणी आपापसात भिडल्या. आधी दोघींमध्ये वाद झाला. त्यानंतर वाद इतका वाढला की, एकीने दुसरीला थप्पड मारली. या मारामारीवेळी घटनास्थळी लोकांची गर्दी जमली. त्यांनी मध्यस्थी करून दोघींना वेगळे करण्याचा प्रयत्नही केला. या घटनेमुळे काही काळ गोल्डन टेंपलबाहेर गोंधळासारखी परिस्थिती निर्माण झाली होती. ही घटना परवा संध्याकाळी 6 वाजता गोल्डन टेंपलच्या घंटाघर गेटसमोरील कारंज्याजवळ घडली होती. स्थानिक लोकांचे म्हणणे आहे की, त्या मुली अमृतसरच्या रहिवासी आहेत. दोघी गोल्डन टेंपलमध्ये दर्शन घेण्यासाठी आल्या होत्या. गोल्डन टेंपलमध्ये जाण्यापूर्वीच त्यांच्यात वाद झाला. त्यांच्या भांडणाचा व्हिडिओ शनिवारी समोर आला. एका मिनिटाच्या व्हिडिओत काय-काय दिसत आहे, वाचा दोन्ही बहिणी अल्पवयीन, दर्शनासाठी आल्या होत्या
कोतवाली पोलीस स्टेशनचे एसएचओ हरमनजीत सिंग यांनी सांगितले की, मारामारी करणाऱ्या दोन्ही मुली अल्पवयीन आहेत. दोघी गोल्डन टेंपलमध्ये दर्शनासाठी आल्या होत्या. याच दरम्यान कोणत्यातरी कारणावरून त्यांच्यात बाचाबाची झाली, जी पाहता पाहता मारामारीत बदलली. त्यांच्यात कोणत्या कारणावरून वाद झाला, याची माहिती अद्याप समोर आलेली नाही.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
