नवे खरेदीदार: यूएईही भारताकडून आता खरेदी करणार ब्रह्मोस, आकाशतीरसह क्रूझ क्षेपणास्त्र, तणावादरम्यान भारतासोबत करारावर चर्चा

‘ऑपरेशन सिंदूर’मध्ये पाकिस्तानवर कहर करणाऱ्या भारताच्या सुपरसॉनिक क्रूझ क्षेपणास्त्र ‘ब्रह्मोस’चे खरेदीदार वाढत आहेत. वृत्तसंस्था रॉयटर्सने दावा केला आहे की, संयुक्त अरब अमिराती (यूएई) ब्रह्मोस आणि एअर डिफेन्स सिस्टीम ‘आकाशतीर’ खरेदी करण्यासाठी भारत सरकारसोबत चर्चा करत आहे.

वृत्तसंस्थेने या प्रकरणाशी संबंधित सूत्रे आणि वरिष्ठ अधिकाऱ्यांच्या हवाल्याने सांगितले की, मध्य पूर्वेत सुरू असलेल्या युद्धाच्या पार्श्वभूमीवर यूएईने स्वतः ही शस्त्रे खरेदी करण्यात स्वारस्य दाखवले आहे. यूएईला ब्रह्मोस विकण्यापूर्वी भारताला रशियाची परवानगी घ्यावी लागेल.

कारण, २९० किमी मारक क्षमता असलेले हे क्षेपणास्त्र दोन्ही देशांनी मिळून बनवले आहे. मॉस्को आणि अबुधाबी यांच्यातील जवळचे संबंध पाहता या कराराच्या मार्गात कोणताही अडथळा येण्याची शक्यता नाही.

2 देशांशी ब्रह्मोसचे करार, ४ देशांचीही यापूर्वीच उत्सुकता

‘ऑपरेशन सिंदूर’नंतर भारताने व्हिएतनाम आणि इंडोनेशियाला ब्रह्मोस विकण्याच्या करारांवर स्वाक्षऱ्या केल्या. थायलंड, दक्षिण आफ्रिका, ब्राझील, चिलीशी चर्चा सुरू आहे. भारताने फिलिपिन्सला ब्रह्मोसची विक्री केली आहे.