शासकीय वैद्यकीय महाविद्यालय (जीएमसी) तथा सर्वोपचार रुग्णालयात पत्नी आजारी पतीला पाठीवर घेऊन उपचारासाठी धावपळ करत असल्याचा व्हिडिओ व्हायरल झाल्यानंतर बुधवारी रिपब्लिकन पार्टी ऑफ इंडिया(आठवले) प्रणित रिपब्लिकन बहुजन विद्यार्थी परिषदेने आक्रमक पवित्रा घेतला. संबंधित रूग्णावर उपचार करण्यात यावेत व या प्रकरणातील दोषींवर कठोर कारवाई करण्यात यावी, अशा मागण्या परिषदेतर्फे करण्यात आल्या. मागण्या मान्य न केल्यास रिपाइं स्टाइलने आंदोलन करण्याचा इशाराही देण्यात आला. शासकीय वैद्यकीय महाविद्यालय व सर्वोपचार रुग्णालय येथे उपरोक्त प्रकार घडत असताना संबंधित डॉक्टर व कर्मचाऱ्यांनी त्याकडे दुर्लक्ष केल्याचा आरोप रिपब्लिकन बहुजन विद्यार्थी परिषदेने केला आहे. त्यामुळे रुग्णालयाची रुग्णाप्रती असलेली अनास्था दिसून आली. अशाच प्रकारे रुग्णालयात रुग्णाला नाहक त्रासांना सामोरे जावे लागते. त्यामध्ये रुग्णालयात गेल्या अनेक वर्षांपासून उपहारगृह नाही. त्यामुळे रुग्णाच्या नातेवाईकांना जादा दराने पैसे खर्च करून भूक भागवावी लागत आहे.एम.आर.आयसाठी रुग्णाकडून दोन हजार रुपये एवढी गरीब रुग्णांना न झेपवणारी रक्कम वसूल करण्यात येते, असे पदाधिकारी म्हणाले. हे शुल्क कमी करण्यात यावे, अशीही मागणी करण्यात आली. निवेदन शासकीय वैद्यकीय महाविद्यालयाचे अधिष्ठाता डॉ.संजय सोनुने यांना सादर करण्यात आले. यावेळी परिषदेचे जिल्हाध्यक्ष तथा विदर्भ सरचिटणीस ॲड.आकाश गुलाबराव हिवराळे, सामाजिक कार्यकर्ते शुभम गोळे,सनी उपर्वट, निखिल घरडे आदी मोठ्या उपस्थित होते. या केल्या मागण्या… खाजगी रुग्णालयात नोकरी करणाऱ्या निवासी डॉक्टरांवर कार्यवाही करण्यात यावी. रुग्णालयात पूर्ण वेळ डॉक्टरांची रुग्णालयात नियुक्ती करण्यात यावी. खाजगी रुग्णालय चालवणाऱ्या डॉक्टर यांना नियुक्ती देऊ नये. रुग्णाच्या वॉर्डमध्ये स्वच्छता ठेवण्यात यावी. कर्मचाऱ्यांनी रुग्णाच्या नातेवाईक यांच्याशी गैर वर्तणूक करू नये.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
