आसाममधील जोरहाट येथील रोवरियाह हवाई तळावर शनिवारी सकाळी एका लष्करी विमानाचा लँडिंग करताना अपघात झाला. ही घटना घडली तेव्हा विमान हवाई तळावर उतरण्याचा प्रयत्न होते. अपघातानंतर विमानाला आग लागली आणि त्याचे दोन तुकडे झाले. अपघातग्रस्त ‘एएन-३२’ (AN-32) विमान मालवाहतूक करणारे विमान होते. त्याचा वापर रसद आणि वस्तूंच्या वाहतुकीसाठी केला जातो. या दुर्घटनेत वैमानिकाचा मृत्यू झाल्याची भीती व्यक्त केली जात आहे. भारतीय हवाई दलाने सांगितले की, या घटनेबाबतच्या पुढील तपशीलांची प्रतीक्षा आहे. अपघाताचे 3 फोटो नकाशाच्या मदतीने समजून घ्या अपघातस्थळ AN-32 हे मालवाहू विमान डोंगराळ आणि दुर्गम भूप्रदेशांवरही उतरण्यास सक्षम भारतीय वायुसेनेकडे अंदाजे 100 अँटोनोव्ह AN-32 टॅक्टिकल ट्रान्सपोर्ट विमानांचा ताफा आहे. IAF ने सुरुवातीला सोव्हिएत-निर्मित अशी 125 विमाने खरेदी केली होती. सध्या सेवेत सक्रिय असणाऱ्या या विमानांचा आकडा 100 च्या आसपास आहे. AN-32 ने 1980 पासून IAF च्या मीडियम-लिफ्ट वाहतूक क्षमतेचा कणा म्हणून काम केले आहे. उष्ण हवामान आणि हिमालयासारख्या उंच प्रदेशात ऑपरेशन दरम्यान त्याच्या मजबूतपणामुळे ते खूप महत्त्वाचे मानले जाते. जानेवारी ते जून या कालावधीतील हवाई दलाचे विमान अपघात 21 जानेवारी 2026- उत्तर प्रदेशात भारतीय हवाईदलाचे एक प्रशिक्षणार्थी विमान नियमित उड्डाणावेळी कोसळले. दोन्ही पायलट सुरक्षितपणे बाहेर पडले. कोणतीही प्राण हानी झाली नाही. तथापि, चौकशीसाठी कोर्ट ऑफ इन्क्वायरी नेमण्यात आली.
7 फेब्रुवारी 2026- एक HAL तेजस लढाऊ विमान टेक-ऑफ करताना धावपट्टीवरून घसरले. नंतरच्या अहवालांमध्ये सॉफ्टवेअरमधील बिघाड हे या अपघातामागील खरे कारण असल्याचे स्पष्ट झाले. या दुर्घटनेत पायलट बचावला, मात्र त्याला गंभीर दुखापती झाल्या.
5 मार्च 2026- आसाममधील कार्बी आंगलोंग प्रदेशात प्रशिक्षणावेळी Su-30MKI क्रॅश झाले. दोन्ही पायलट्सचा मृत्यू झाला. यापैकी एक पायलट ऑपरेशन सिंदूरशी संबंधित होता.
17 एप्रिल 2026- पुणे आंतरराष्ट्रीय विमानतळावर हवाई दलाच्या लढाऊ विमानाचे हार्ड लँडिंग झाले. विमानाचा ‘अंडरकॅरेज’ म्हणजे विमानाचा खालचा भाग खराब झाला होता. यामुळे ते धावपट्टीवर आदळले. परिणामी धावपट्टी 11 तास बंद ठेवावी लागली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
