राजा शिवाजी या चित्रपटात सलमान खानचा पहिला लूक समोर आला आहे, ज्यात तो मिश्या आणि भगव्या पगडीत दिसत आहे. रितेश देशमुख दिग्दर्शित हा चित्रपट आज थिएटरमध्ये प्रदर्शित झाला, जिथे सलमान जीवा महालेच्या भूमिकेत कॅमिओ करताना दिसला.
चित्रपट छत्रपती शिवाजी महाराजांच्या जीवनावर आधारित राजा शिवाजी हा मराठा सम्राट छत्रपती शिवाजी महाराजांच्या जीवनावर आधारित चित्रपट आहे. यात रितेश देशमुख मुख्य भूमिकेत आहे. हा चित्रपट एक मल्टी-स्टारर प्रोजेक्ट आहे, ज्यात अभिषेक बच्चन, संजय दत्त, फरदीन खान, विद्या बालन, बोमन इराणी, महेश मांजरेकर आणि भाग्यश्री यांसारखे कलाकार आहेत. चित्रपट प्रदर्शित होताच सलमानचा लूक सोशल मीडियावर समोर आला आहे, ज्यात तो पारंपरिक मराठा वेशभूषेत दिसत आहे. सलमानच्या भूमिकेची अधिकृत पुष्टी यापूर्वी करण्यात आली नव्हती. आता चित्रपट प्रदर्शित झाल्यानंतर हे स्पष्ट झाले आहे की तो एका कॅमिओ भूमिकेत दिसला आहे. सलमानने स्वतः चित्रपटात काम करण्याची इच्छा व्यक्त केली होती रितेश देशमुखने चित्रपटाच्या प्रमोशनदरम्यान सांगितले होते की, सलमानने स्वतः चित्रपटात सहभागी होण्याची इच्छा व्यक्त केली होती. त्याने सांगितले की, त्याच्या मागील ‘लय भारी’ आणि ‘वेद’ या चित्रपटांमध्येही सलमान होता. त्यामुळे या चित्रपटातही त्याने मैत्रीखातर काम करण्याची इच्छा व्यक्त केली होती. चित्रपटातील सलमानच्या कॅमिओबद्दल सोशल मीडियावर संमिश्र प्रतिक्रिया उमटल्या, अनेक युजर्सनी त्याच्या एंट्रीला दमदार म्हटले आहे. एका युजरने सलमानच्या स्क्रीन प्रेझेन्सचे कौतुक केले. तर दुसऱ्या एका युझरने लिहिले, ‘सीन एकदम कडक आहे.’
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited
