पुणे शहरात दोन वेगवेगळ्या अपघातांमध्ये दोघांचा मृत्यू झाला आहे. एनडीए रस्ता आणि संगमवाडी परिसरात या घटना घडल्या. भरधाव मोटारींच्या धडकेत दुचाकीस्वार तरुणांचा बळी गेला असून, दोन्ही प्रकरणांमध्ये मोटारचालकांविरुद्ध गुन्हे दाखल करण्यात आले आहेत. एनडीए रस्त्यावर घडलेल्या पहिल्या घटनेत, राजू नारायण चव्हाण (वय 31, रा. कोंढवे-धावडे, एनडीए रस्ता) या दुचाकीस्वार तरुणाचा मृत्यू झाला. कामावरून घरी परतत असताना, उत्तमनगर परिसरात भरधाव मोटारीने त्यांच्या दुचाकीला जोरात धडक दिली. या अपघातात चव्हाण गंभीर जखमी झाले. अपघातानंतर रक्ताच्या थारोळ्यात ते रस्त्यावर पडले. त्यांना तातडीने रुग्णालयात दाखल करण्यात आले, मात्र उपचारादरम्यान त्यांचा दुर्दैवी रित्या मृत्यू झाला. या प्रकरणी चव्हाण यांची पत्नी पूनम (वय 27) यांनी उत्तमनगर पोलिस ठाण्यात फिर्याद दिली असून, अनोळखी मोटारचालकाविरुद्ध गुन्हा दाखल करण्यात आला आहे. उत्तमनगर पोलिस ठाण्याचे सहायक पोलिस निरीक्षक एन. मिसाळ या प्रकरणाचा पुढील तपास करत आहेत. दुसऱ्या घटनेत, संगमवाडी परिसरात ऑनलाइन खाद्यपदार्थ पोहोचवणाऱ्या प्रेमनाथ रामकृष्ण वानखेडे (वय 52, रा. दापोडी) या दुचाकीस्वार कामगाराचा मृत्यू झाला. खासगी आराम बस थांब्याजवळ भरधाव मोटारीने त्यांना धडक दिली. अपघातानंतर वानखेडे यांना रुग्णालयात दाखल करण्यात आले, परंतु उपचारादरम्यान त्यांचाही मृत्यू झाला. वानखेडे यांचा मुलगा करण (वय 30) यांनी येरवडा पोलिस ठाण्यात तक्रार दाखल केली असून, एका महिला मोटारचालकाविरुद्ध गुन्हा नोंदवण्यात आला आहे. येरवडा पोलिस ठाण्याचे पोलिस उपनिरीक्षक एस. काळे या प्रकरणाचा पुढील तपास करत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
