राज्य विधान परिषदेच्या स्थानिक स्वराज्य संस्था मतदारसंघातील 17 पैकी 6 जागांवर महायुतीने मतदानापूर्वीच बिनविरोध विजय मिळवला आहे. त्यामुळे आता सर्वांचे लक्ष उर्वरित 11 जागांच्या निकालाकडे लागले असून, या बहुचर्चित निवडणुकीची मतमोजणी उद्या (सोमवार, 21 जून) होणार आहे. या निवडणुकीत अनेक नाट्यमय घडामोडी पाहायला मिळाल्या. अमरावती मतदारसंघात काँग्रेसमधील अंतर्गत वाद चव्हाट्यावर आला. पक्षाने आपल्या सदस्यांना मतदानात तटस्थ राहण्याचा ‘व्हिप’ (पक्षादेश) बजावला होता, मात्र काँग्रेस नगरसेवकांनी तो धुडकावून लावत मतदानात भाग घेतला. दुसरीकडे, नाशिक आणि भंडारा-गोंदिया या मतदारसंघांमध्ये मतदारांनी 100 टक्के मतदानाचा हक्क बजावला. संभाजीनगरात तिरंगी लढत छत्रपती संभाजीनगर-जालना मतदारसंघात 637 पैकी 630 मतदारांनी (98.90%) मतदान केले. येथे महायुतीचे सुहास शिरसाठ, महाविकास आघाडीचे गणेश लोखंडे आणि अपक्ष उमेदवार इसाक खान सांडू खान यांच्यात तिरंगी लढत आहे. निवडणूक निर्णय अधिकारी तथा जिल्हाधिकारी विनय गौडा जी. सी. यांनी शासकीय औषध निर्माणशास्त्र महाविद्यालयातील मतमोजणी केंद्राची पाहणी करून पूर्वतयारीचा आढावा घेतला. मतमोजणीसाठी 4 टेबल लावण्यात आले असून 54 अधिकारी-कर्मचारी तैनात आहेत. असा ठरणार विजयाचा ‘कोटा’! या निवडणुकीत विजयाचे गणित थोडे वेगळे असते. विजयी होण्यासाठी एकूण वैध मतांच्या 50% अधिक 1 मत असा ‘विजयाचा कोटा’ निश्चित केला जातो. पहिल्या पसंती क्रमाच्या मतमोजणीत हा कोटा पूर्ण न झाल्यास, दुसऱ्या पसंतीची मते मोजली जातात. नाशिकमध्ये दुपारी 12 पर्यंत लागू शकतो निकाल नाशिकमध्ये 619 पैकी 618 मतदारांनी मतदान केले. जर सर्व मते वैध ठरली, तर विजयासाठी 310 मतांचा कोटा लागेल. मात्र, मते अवैध ठरल्यास हा कोटा कमी होऊ शकतो. येथे भाजपा विरुद्ध भाजपाशी संबंधित अपक्ष अशी लढत असल्याने ‘दराडे की गिते?’ याचा फैसला दुपारी 12 वाजेपर्यंत लागण्याची शक्यता आहे. बिनविरोध विजयी उमेदवार.. वर्धा-गडचिरोली-चंद्रपूर : अरुण लखाणी, भाजप
पुणे: विक्रम काकडे , राष्ट्रवादी काँग्रेस
ठाणे :रवींद्र फाटक , शिवसेना
रायगड-रत्नागिरी-सिंधुदुर्ग : अनिकेत तटकरे, राष्ट्रवादी काँग्रेस
यवतमाळ : दुष्यंत चतुर्वेदी, शिवसेना
अहिल्यानगर: प्राजक्त तनपुरे, भाजप कुठे किती टक्के मतदान झाले?
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
